مۇحتار نۇرقانوۆ بالالار ۇيىنەن 2004 جىلى كەتكەن بولاتىن. قازىر جول قۇرىلىسى سالاسىندا جۇمىس ىستەيدى. ايىنا 50 مىڭ تەڭگە جالاقى الادى. بۇل جالعا العان ءۇيىنىڭ اقىسىنا عانا, ايدان ايعا تاماعىن اسىراۋعا عانا جەتەدى. ول وسىدان 8 جىل بۇرىن قوستاناي قالالىق اكىمدىگىنە ءۇي كەزەگىنە تۇرعان بولاتىن. بىراق ارەندالىق ءۇيدىڭ كەزەگى جاقىندار ەمەس. ال جىلدان جىلعا پاتەر اقىسى دا قىمباتتاپ بارادى.
بالالار ءۇيى تۇلەگىنىڭ جاعدايى «قوستاناي – ادالدىق الاڭى» جوبالىق كەڭسەسى مەنەدجەرلەرىنىڭ نازارىن اۋداردى. قوستاناي وبلىستىق سىبايلاس جەمقورلىققا قارسى قىزمەت جەتەكشىسى قۋانىش بەكباسوۆ وبلىستىق ءماسليحات دەپۋتاتتارىن جانە وسى ماسەلەگە نازار سالعان مەملەكەتتىك ورگانداردى جاس جىگىتتىڭ باسپانالى بولۋىنا كومەكتەسۋگە شاقىردى.
ز.الدامجار اتىنداعى الەۋمەتتىك-تەحنيكالىق ۋنۆەرسيتەتىنىڭ رەكتورى قادىرعالي جامانبالين بالالار ءۇيى تۇلەگىنىڭ پاتەرگە كەزەگى كەلگەنگە دەيىن كومەك قولىن سوزاتىنىن ءبىلدىردى. ول مۇحتارعا جەكە مەنشىك جوعارى وقۋ ورنىنىڭ جاتاقحاناسىنان بولمە ۇسىندى. مۇحتار جاقىن كۇندەرى جاتاقحاناعا كوشەتىن بولادى.
«مۇنداي قابىلداۋدى ءبىز اپتا سايىن جۇرگىزەتىن بولامىز. بۇل پرەزيدەنتتىڭ سوڭعى جولداۋىندا ايتىلعانداي, «ەستيتىن مەملەكەتتىڭ» جارقىن مىسالى. ازاماتتاردىڭ قۇقىن جۇزەگە اسىرۋ مەملەكەتتىك ورگاندار جۇمىسىنداعى باسىمدىق بولۋى ءتيىس جانە قوعامدىق بەلسەندىلەر مەن قايراتكەرلەردىڭ باقىلاۋىندا بولادى», دەيدى قۋانىش بەكباسوۆ.
قوستاناي