الماتى 10 قازاننان باستاپ جىلىنادى

بۇگىندە 4 مىڭ تۇتىنۋشىنىڭ قارىزى 2,5 ميلليارد تەڭگەدەن اسىپ كەتكەن. بورىشكەرلەردىڭ كوبىسى بوستاندىق پەن مەدەۋ اۋداندارىندا تۇرادى.

الماتىلىق مونوپوليستەر قارىزدارىن سوت ارقىلى ءوندىرىپ الماق.

مۇنداي مالىمەتتەردى قالالىق ەنەرگوتيىمدىلىك جانە ينفراقۇرىلىمدىق دامۋ باسقارماسى تاراتتى. الايدا قالا بيلىگى  قىس مەزگىلىندە ەشكىم جىلۋسىز قالمايتىنىن ايتادى. ولار قانداي جاعدايلار ورىن السا دا الماتىنى جاۋراتپايمىز دەپ وتىر.

«جۇرگىزىلىپ جاتقان جوندەۋ جۇمىستارى جوسپارلانعان ۋاقىتتا اياقتالادى» دەيدى الماتى قالاسى اكىمدىلىگى ءباسپاسوز قىزمەتى تاراتقان اقپاراتتا.

جىلۋ جۇيەلەرىن جاڭارتۋعا 20 ميلليارد تەڭگە ءبولىنىپتى.      

«بيىلعى تاڭدا 12-ماگيسترال بويىنشا تولىق جۇمىس اياقتالدى. جول سالىنىپ بىتكەن سوڭ اشىلدى. بىراق كەيبىر ەسكەرتۋلەر بار. ەكى اپتانىڭ ىشىندە ول تولىعىمەن اياقتالسا, بىتىرەمىز», دەدى  الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماساباەۆ.

باسقارما باسشىسىنىڭ ايتۋىنشا, تولە بي كوشەسىندەگى جۇمىستار دا جاقىن ارادا اياقتالماق. ولاي بولماعان جاعدايدا مەردىگەر كومپانياعا ايىپپۇل سالىناتىنىن دا جەتكىزدى.

«قازىرگى تاڭدا تەحنولوگيالىق جاعىنان ماگيسترالدىك جەلىگە قوسىلدى. بىراق جول جانە  ەسكەرتپەلەر بويىنشا جۇمىستاردى 3 قازانعا دەيىن بىتىرەمىز دەپ وتىرمىز», دەدى الماتى قالاسى ەنەرگوتيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماساباەۆ.

الماتى