بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە اقتاۋ قالالىق قۇرىلىس ءبولىمىنىڭ باسشىسى ەلدار ماشىرىقوۆ مالىمدەدى. قازان ايىندا اقتاۋدا اۋدانى 8742 شارشى مەتردى قۇرايتىن ءابىش كەكىلباەۆتىڭ مۇراجايى اشىلادى.
- قىركۇيەك ايىنىڭ سوڭىندا تاپسىرامىز دەپ جوسپارلانعان مادەني ورتالىقتىڭ دايىندىق جۇمىستارى قارقىندى جۇرگىزىلۋدە. قازىرگى ۋاقىتتا اكتىلەرى, قۇرىلىسقا قاجەتتى قۇجاتتارى جاساقتالىپ, تاپسىرۋعا دايىنداپ جاتىرمىز. ال كىتاپحانا مەن مۋزەي قۇرىلىسىنىڭ اياقتالۋ مەرزىمى 2020 جىلدىڭ سوڭى,- دەدى ەلدار قۋات ۇلى.
مەردىگەر ۇيىمنىڭ ديرەكتورى ريزابەك وتەگەنوۆتىڭ ايتۋىنشا, قۇرىلىسقا پايدالانىلعان ماتەريالدار نەگىزىنەن قازاقستاندىق تاۋار وندىرۋشىلەردەن, ءىشىنارا رەسەي, وڭتۇستىك كورەيا جانە جاپونيا ماتەريالدارى بار. مۇراجايدىڭ الدىندا ءابىش كەكىلباەۆتىڭ ەسكەرتكىشى بولادى. جوبانىڭ ينۆەستورلارى يتالياندىق كومپانيا. ەكى مىڭ ورىندىق كىتاپحانا مەن تەاتردى بىرىكتىرەتىن بۇل ورتالىق 10 گا اۋماقتى قامتىپ وتىر. جوبا اۆتورلارى - ەلوردالىق ماماندار. سونداي-اق كىتاپحانادا 304 مىڭ كىتاپ بولادى.
ايتا كەتەيىك, مۇراجايدىڭ اشىلۋى وسى جىلدىڭ 12 قازانىنا جوسپارلانعان. ال كىتاپحانا 2020 جىلدىڭ جەلتوقسان ايىندا پايدالانۋعا بەرىلەدى دەپ جوسپارلانۋدا.
ماڭعىستاۋ وبلىسى