«استانا» ۆەلوكومانداسىنىڭ وكىلى الەكسەي لۋتسەنكو يتاليا تاسجولىندا وتكەن «مەموريال ماركو پانتاني» بىركۇندىك ۆەلوجارىسىندا توپ جاردى. بۇل وتانداسىمىزدىڭ وسى ماۋسىمداعى 10-شى جەڭىسى.
وتانداسىمىز مارە سىزىعىنا ەكى شاقىرىم قالعاندا پەلوتوننان ءبولىنىپ, شابۋىلعا شىقتى. قارسىلاستارىن شاڭ قاپتىرىپ, باسىمدىعىن جارىس سوڭىنا دەيىن ساقتاپ قالعان لۋتسەنكو جەڭىمپاز اتاندى. ەكىنشى ورىندى يتاليالىق ديەگو روزا (Sky) يەلەنسە, ۇزدىك ۇشتىكتى فرانتسيالىق گيوم مارتان (Wanty-Groupe Gobert) قورىتىندىلادى.
لۋتسەنكونىڭ بۇل جەتىستىگى «استانا» ۆەلوكومانداسىنىڭ وسى ماۋسىمداعى 36-شى جەڭىسى بولدى. ءسويتىپ قازاقستاندىق كوماندا ءوز رەكوردتارىن جاڭارتتى.