پرەزيدەنت قاسىم-جومارت توقاەۆ اگروونەركاسىپ كەشەنىن دامىتۋعا كەدەرگى كەلتىرىپ وتىرعان بىرقاتار تۇيتكىلدى ماسەلەلەردى اتادى. بۇل تۋرالى قازاقستان پرەزيدەنتىنىڭ ءباسپاسوز حاتشىسى بەرىك ءۋالي فەيسبۋكتەگى پاراقشاسىندا جازدى.
«اگروونەركاسىپ كەشەنىن دامىتۋعا ارنالعان قازىرگى مەملەكەتتىك باعدارلاما 10 جىل ىشىندە وسى سالانى ارتاراپتاندىرۋعا مۇمكىندىك بەردى. دەگەنمەن, اگروونەركاسىپ كەشەنىن دامىتۋعا كەدەرگى كەلتىرىپ وتىرعان بىرقاتار تۇيتكىلدى ماسەلەلەر بار. مىسالى, بۇل سالاداعى ەڭبەك ونىمدىلىگى ايتارلىقتاي از جانە ءونىمدى وڭدەۋ دەڭگەيى تومەن. سونداي-اق وتاندىق اگروسەكتوردا وزىق تەحنولوگيانىڭ مۇمكىندىكتەرىن پايدالانۋ جۇمىسى جۇيەلى جولعا قويىلماعان. الداعى ۋاقىتتا وسى جانە باسقا دا ماسەلەلەردى شەشۋ ءۇشىن بىرقاتار ناقتى شارالار قابىلداۋىمىز كەرەك», دەدى قاسىم-جومارت توقاەۆ.