الماتى قالاسىنىڭ ءورت ءسوندىرۋ قىزمەتىنە تۇسكەن دابىل قالانىڭ جەتىسۋ اۋدانىنداعى راتۋشنىي كوشەسى, 84 «ا» مەكەن-جايىندا ورنالاسقان «Ariba» جشس جيھازدار تسەحىنان ءورت شىققانىن مالىمدەدى. وقيعا ورنىنا دەرەۋ جەتكەن ءورت ءسوندىرۋ قىزمەتى جالىننىڭ تاراپ كەتۋىنىڭ الدىن الىپ, قالانىڭ بارلىق سۋ تاسۋ قۇرىلعىلارىن جۇمىلدىردى.
جەتىسۋ اۋدانىنىڭ اكىمى ماقسات كاكىموۆ ءورتتىڭ 1200 شارشى مەتر اۋماقتى شارپىعانىن ايتىپ, تسەح ماڭىندا ورنالاسقان بارلىق گاز قۇبىرلارى وشىرىلگەندىگىن جەتكىزدى. ءورت ءسوندىرۋ قىزمەتىنە 60-قا جۋىق جەكە قۇرام قاتىسىپ, توتەنشە جاعدايلار دەپارتامەنتىنىڭ 20 تەحنيكاسى جۇمىلدىرىلعان. زارداپ شەككەندەر جوق. قازىرگى كەزدە اۋماق پوليتسيا قىزمەتىنىڭ باقىلاۋىندا.