15 قازانىنان باستاپ نۇر-سۇلتان قالاسىنداعى ازاماتتاردىڭ جەكەلەگەن ساناتىنا قاتتى وتىن ساتىپ الۋ ءۇشىن كورسەتىلەتىن الەۋمەتتىك كومەككە قۇجاتتار قابىلدانادى. تولەم مولشەرى 16 اەك نەمەسە 40 400 تەڭگەنى قۇرايدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلايدى.
قاتتى وتىن ساتىپ الۋ ءۇشىن بولىنەتىن الەۋمەتتىك كومەك زەينەتكەرلەرگە, مۇگەدەكتەرگە, مۇگەدەك بالالارعا, كوپ بالالى انالار مەن پەشپەن جىلىتاتىن جەر ۇيلەردە تۇراتىن وتباسىلارعا بەرىلەدى.
بۇل كوپبالالى وتباسىلار سول ءۇيدىڭ يەسى (جالداۋشى) نەمەسە ءۇي يەسى وتباسىنىڭ مۇشەسى بولۋى كەرەك ءارى وتباسى مۇشەلەرىنىڭ اتىندا ءوز ءۇيى, ءتورت كۇنكورىس مينيمىنان جوعارى تابىسى بولماۋى ءتيىس.
2019 جىلدىڭ 15 قازانىنان 2020 جىلدىڭ 15 ساۋىرىنە دەيىن سوزىلاتىن جىلىتۋ ماۋسىمىنا 16 اەك كولەمىندە تولەم تولەنەدى. بيىل بۇل سوما 40 400 تەڭگەگە تەڭ. اتالمىش كومەكتى الۋعا قۇقىعى بار بىرنەشە ادام ءبىر ۇيدە تۇرعان جاعدايدا, وتەماقى ولاردىڭ بىرەۋىنە عانا تولەنەدى.
جىلىتۋ ماۋسىمى كەزىندە مەملەكەتتەن بۇل كومەكتى الۋ ءۇشىن ءوتىنىش بەرۋشى نۇر-سۇلتان قالالىق جۇمىسپەن قامتۋ جانە الەۋمەتتىك قورعاۋ باسقارماسىنا وتىنىشىمەن بىرگە بىرقاتار قۇجاتتاردى تىركەۋى كەرەك.
قۇجاتتار تىزىمىمەن ەلوردا اكىمدىگىنىڭ رەسمي سايتىندا تانىسۋعا بولادى.