الداعى كۇندەرى الەمنىڭ ءار شالعايىنداعى ۋنيۆەرسيتەتتەردىڭ بەلدى وكىلدەرى قازاق جەرىندە توعىسادى. 18-19 قىركۇيەككە بەلگىلەنگەن جاھاندىق سامميت ەلىمىزدىڭ جەتەكشى جوعارى وقۋ ورنى ءال-فارابي اتىنداعى قازاق ۇلتتىق ۋنيۆەرسيتەتىندە وتەدى. بۇل شارا ەڭ الدىمەن «رۋحاني جاڭعىرۋ» مەملەكەتتىك باعدارلاماسىنىڭ ماقساتتارىن ىسكە اسىرۋعا, وتاندىق جوعارى ءبىلىم بەرۋ جۇيەسىنىڭ باسەكەگە قابىلەتتىلىگىن ارتتىرۋعا جانە ءبىلىم بەرۋ قىزمەتتەرىن ەكسپورتتاۋعا باعىتتالعان.
اتالعان فورۋم عىلىم مەن جوعارى ءبىلىم بەرۋ سالاسىنداعى وزىق تاجىريبەلەرمەن الماسۋ جانە تاراتۋدا الەمدەگى بىرەگەي جانە ءىرى پلاتفورما بولىپ تابىلادى.
بيىل قازۇۋ «World University Rankings» QS دۇنيەجۇزىلىك تانىلعان جانە بەدەلدى حالىقارالىق رەيتينگتە ورتالىق ازيا جوعارى وقۋ ورىندارى اراسىنان جالعىز بولىپ الەمنىڭ ۇزدىك جوو-لارىنىڭ قاتارىنا ەنىپ, 207 ورىنعا يە بولدى.
ورايى كەلىپ تۇرعاندا, قازۇۋ الەمنىڭ 130-دان استام جەتەكشى جوعارى وقۋ ورىندارىن بىرىكتىرەتىن جىبەك جولى ۋنيۆەرسيتەتتەرى اليانسىنىڭ تەڭ قۇرىلتايشىسى بولا وتىرىپ, بىرقاتار ءىرى جوبالاردى ىسكە اسىرىپ وتىرعانىن اتاپ وتكەن ءجون. ونىڭ ىشىندە حالىقارالىق ءىت-تەحنوپاركىن قۇرۋ بويىنشا بەلسەندى جۇمىس اتقارىپ كەلەدى. سوندىقتان قازۇۋ-دا وسى بەدەلدى حالىقارالىق ۇيىمنىڭ باس اسسامبلەياسىنىڭ وتىرىسىن وتكىزۋ زاڭدى. فورۋمدا جوعارى ءبىلىم بەرۋ سالاسىنداعى كوللابوراتسيا مەن ينتەگراتسيا, بىرلەسكەن عىلىمي-ءبىلىم بەرۋ جانە مادەني-گۋمانيتارلىق جوبالاردى جۇزەگە اسىرۋ جانە ءوزارا ءىس-قيمىلدىڭ باسقا دا باعىتتارى تالقىلانادى.
سونداي-اق, بۇۇ-نىڭ «اكادەميالىق ىقپال» باعدارلاماسىنىڭ تۇراقتى دامۋ بويىنشا جاھاندىق حابىن قاتارىنان ءۇشىنشى رەت باسقارىپ وتىرعان قازۇۋ جاڭا بۋىن جوو-نىڭ ۋنيۆەرسيتەت 4.0 مودەلىن ازىرلەگەن. ول «Al-Farabi University Smart City» تۇجىرىمداماسىنىڭ نەگىزىندە جۇزەگە اسىپ وتىر.
بۇعان قوسا, قر تۇڭعىش پرەزيدەنتى – ەلباسى قورى, قازۇۋ جانە G-Global حالىقارالىق حاتشىلىعى ۇيىمداستىراتىن «تۇراقتى دامۋ ماقساتتارىن ىسكە اسىرۋداعى جاستاردىڭ ءرولى-2030» جاھاندىق كونگرەسى ماڭىزدى ءىس-شارا بولماق.
جوعارى حالىقارالىق دەڭگەيدەگى ءىس-شارالار بارلىق قۇرىلىقتان 400-دەن استام الدىڭعى قاتارلى جوعارى وقۋ ورىندارىنىڭ باسشىلارىن, مەملەكەتتىك قۇرىلىمدار مەن بيزنەس وكىلدەرىن, بەلگىلى عالىمداردى, ساراپشىلار مەن اكادەميالىق توپتار كوشباسشىلارىن جينايتىنىن اتاپ وتكەن ءجون. ولار ءبىلىم, عىلىم, وزىق تەحنولوگيالار مەن رۋحاني قۇندىلىقتاردى ينتەگراتسيالاۋ اياسىندا ۋنيۆەرسيتەتتەردىڭ بولاشاق دامۋىنىڭ جاڭا مودەلىن تالقىلاۋعا جانە ازىرلەۋگە قاتىسادى.
فورۋمدار باعدارلاماسى وتە مازمۇندى, مۇندا پلەنارلىق وتىرىستار, پانەلدىك پىكىرتالاستار, ىسكەرلىك كەزدەسۋلەر مەن ىنتىماقتاستىق تۋرالى مەموراندۋمدارعا قول قويۋ, الەمنىڭ جەتەكشى جوعارى وقۋ ورىندارىنىڭ جەتىستىكتەرى كورمەسى وتەدى.
الماتى