قازىرگى كۇنى قىزىلشامەن قاتار قۇرت اۋرۋىنىڭ ءوسىمى دە الاڭداتارلىق. وبلىستا جىل سايىن تۋبەركۋلەزگە قارسى ەكپە ون مىڭنان استام نارەستەگە ەگىلەدى.
وتكەن جىلى تۋبەركۋلەزگە قارسى 6431 نارەستەگە ەكپە ەگىلگەن. ءبىر جاقسىسى ولاردىڭ اراسىندا ەشبىر قولايسىز جاعداي تىركەلمەپتى. قازىر قىزىلشا اۋرۋى باس كوتەرىپ تۇر. وبلىستا قىزىلشا اۋرۋىن جۇقتىرعان 306 جاعداي تىركەلگەن. اسىرەسە, كوكشەتاۋ جانە ستەپنوگورسك قالالارى مەن ساندىقتاۋ اۋدانىندا كوبىرەك بايقالىپ وتىر.
– بۇگىنگى تاڭدا قىزىلشامەن سىرقاتتانۋدىڭ وسۋىنە بايلانىستى توعىز ايلىق بالالارعا قوسىمشا ۆاكتسينا جۇرگىزىلۋدە. ەگەر جوسپار بويىنشا ولار تۋعانىنا 12 اي تولعاننان كەيىن ەگىلۋگە ءتيىس بولسا, قازىر توعىز ايدان كەيىن ەگىلۋدە. وعان سەبەپ ءبىر جاسقا دەيىنگى بالالاردىڭ اراسىندا سىرقاتقا شالدىعۋدىڭ كوبەيىپ كەتۋى بولىپ,– دەيدى وبلىستىق تاۋارلار مەن كاورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايناگۇل مۋسينا,–قازىرگى كۇنى وبلىس بويىنشا ءبىر جاسقا تولماعان ءتورت مىڭنان استام بالاعا ەكپە ەگىلدى.
«ساقتىقتا قورلىق جوق» دەمەكشى, اۋرۋدىڭ الدىن الساق قانا جۇقپالى اۋرۋلاردىڭ ءورىسىن تارىلتار ەدىك.