پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا مەملەكەت باسشىسىنىڭ بيىلعى 2 قىركۇيەكتەگى «Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىنىڭ جوباسى تانىستىرىلدى. قۇجاتپەن پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ تانىستىردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ءا. سمايىلوۆتىڭ ايتۋىنشا, «زامان تالابىنا ساي ءتيىمدى مەملەكەت» I باعىتى بويىنشا جاڭعىرتۋ جونىندەگى ۇلتتىق كوميسسيا جۇمىسىنىڭ جوسپارى بويىنشا ۇسىنىستاردى قالىپتاستىرۋعا باعىتتالعان 11 ءىس-شارانى ىسكە اسىرۋ, ازاماتتار مەن ۇيىمداردىڭ وتىنىشتەرىمەن جۇمىس ساپاسىن كۇشەيتۋ, مەملەكەتتىك قىزمەتشىلەر مەن ۇلتتىق كومپانيالار قىزمەتكەرلەرىنىڭ سانىن كەزەڭ-كەزەڭىمەن 25%-عا قىسقارتۋ, قاتىسۋشىلار ءۇشىن قولجەتىمدىلىكتى ەسكەرە وتىرىپ, بەلگىلى ءبىر جەرلەردە بەيبىت ميتينگىلەر وتكىزۋگە رۇقسات بەرۋ كوزدەلگەن.
ء«ال-ءفارابيدىڭ 1150 جىلدىعىن, اباي قۇنانباي ۇلىنىڭ 175 جىلدىعىن جانە قازاقستان تاۋەلسىزدىگىنىڭ 30 جىلدىعىن وتكىزۋ جونىندەگى رەسپۋبليكالىق جوسپارلار, سونداي-اق, التىن وردانىڭ 750 جىلدىعىنا ارنالعان ءىس-شارالار ازىرلەنەتىن بولادى», دەدى پرەمەر-ءمينيستردىڭ ءبىرىنشى ورىنباسارى.
«ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ» II باعىتى بويىنشا سوت شەشىمدەرىنىڭ مونيتورينگى مەن سۋديالاردى باعالاۋدى ەنگىزۋ, «سوت پراكتيكاسىنىڭ ساندىق اناليتيكاسى» جۇيەسىن سىناقتان وتكىزۋ, وزىق حالىقارالىق تاجىريبە نەگىزىندە اكىمشىلىك پوليتسيا كوميتەتىنىڭ جۇمىسىن قايتا ۇيىمداستىرۋ بويىنشا 15 ءىس-شارا ىسكە اسىرىلاتىن بولادى.
ءا. سمايلوۆتىڭ ايتۋىنشا, جەكە ادامعا قارسى بىرقاتار اۋىر قىلمىستاردى, براكونەرلىكتى قاتاڭداتۋ, اكىمشىلىك ادىلەت, سىبايلاس جەمقورلىققا قارسى شارالار ەنگىزۋ, ازاماتتاردىڭ قۇقىقتارىن قورعاۋ كەپىلدىگىن ارتتىرۋ بويىنشا 6 زاڭ قابىلداۋ جوسپارلانۋدا.
«2020 جىلدىڭ سوڭىنا دەيىن قارۋلى كۇشتەر مەن اسكەري قۇرالىمداردى دامىتۋ تۇجىرىمداماسى جاڭا رەداكتسياسىندا قابىلدانادى», دەدى ءبىرىنشى ۆيتسە-پرەمەر.
«قارقىندى دامىعان جانە ينكليۋزيۆتى ەكونوميكا» III باعىتى بويىنشا ەكونوميكانى ءارتاراپتاندىرۋ, بيزنەس پەن بانك سەكتورىن دامىتۋ, سالىق جانە بيۋدجەت زاڭناماسى بويىنشا 27 ءىس-شارا ىسكە اسىرىلاتىن بولادى.
ميكرو جانە شاعىن بيزنەس ءۇشىن «بيزنەستىڭ جول كارتاسى-2025» شەڭبەرىندە جاڭا جانە الەۋمەتتىك جوبالاردى مەملەكەتتىك قولداۋ شارالارى ىسكە اسىرىلاتىن بولادى.
«ميكرو جانە شاعىن بيزنەس تابىس سالىعىنان جانە ءۇش جىلعا تەكسەرۋدەن بوساتىلادى. بۇدان باسقا, ۇلتتىق كومپانيالار قىزمەتىنىڭ تيىمدىلىگىنە, ولاردى قىسقارتۋ بويىنشا ۇسىنىستار ەنگىزە وتىرىپ, تالداۋ جۇرگىزىلەتىن بولادى», دەدى ءا. سمايىلوۆ.
«الەۋمەتتىك جاڭعىرتۋدىڭ جاڭا كەزەڭى» IV باعىتى بويىنشا 18 ءىس-شارا قاراستىرىلعان.
ءبىرىنشى ۆيتسە-مينيستر اتاپ وتكەندەي, «ديپلوممەن اۋىلعا» باعدارلاماسى بويىنشا تۇرعىن ۇيگە كرەديت بەرۋ كەڭەيتىلەدى, جوعارى وقۋ ورىندارىنىڭ سانىنا تالداۋ جۇرگىزىلەدى, پەداگوگتاردىڭ, مادەنيەت جانە ونەر ۇيىمدارى قىزمەتكەرلەرىنىڭ ەڭبەكاقىسى ۇلعايتىلادى.
«اتاۋلى الەۋمەتتىك كومەكتى جەتىلدىرۋ, تابىسى از وتباسىلاردان شىققان بالالارعا كەپىلدىك بەرىلگەن الەۋمەتتىك پاكەتتى ەنگىزۋ جونىندە شارالار قابىلداناتىن بولادى», — دەدى ول.
«قۋاتتى وڭىرلەر – قۋاتتى ەل» V باعىتى بويىنشا 10 ءىس-شارانى ىسكە اسىرۋ جوسپارلانعان.
جەرگىلىكتى اتقارۋشى ورگانداردى باعالاۋ جۇيەسى قايتا قارالاتىن بولادى, ءۇش ءىرى قالا اكىمدىكتەرىنىڭ قۇزىرەتى كەڭەيتىلەدى, تۇرعىن ءۇي باعدارلامالارى وپەراتورلارىنىڭ سانى قىسقارتىلادى, پارلامەنت جانىنان زاڭنامانى زەرتتەۋ ينستيتۋتى قۇرىلادى.
ءا. سمايىلوۆ سەندىرگەندەي, «سارىارقا» ماگيسترالدىق گاز قۇبىرىنا قوسۋ ءۇشىن گاز تاراتۋ جەلىلەرى كەزەڭ-كەزەڭمەن پايدالانۋعا بەرىلەتىن بولادى.
«جالپىۇلتتىق جوسپاردى جۇزەگە اسىرۋ مەملەكەت باسشىسىنىڭ قازاقستان حالقىنا جولداۋىندا قويىلعان بارلىق مىندەتتەردى جانە سايلاۋالدى تۇعىرناماسىن شەشۋدى قامتاماسىز ەتەدى, دەدى ءا. سمايىلوۆ. — جۇج-دىڭ ءىس-شارالارىن ىسكە اسىرۋ جونىندەگى جۇمىستاردى ۇيلەستىرۋ جانە مونيتورينگ جۇرگىزۋ ۇكىمەتتىڭ جوبالاۋ كەڭسەسىنە جۇكتەلەدى».