سارسەنبى, 27 ناۋرىز 2013 2:21
الدا نە كۇتىپ تۇر؟
ەلباسى نۇرسۇلتان نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا ورتالىقسىزداندىرۋ يدەياسىن ۇسىنىپ, ونىڭ ءمانى ەڭ الدىمەن مەملەكەتتىك باسقارۋ جۇيەسىنىڭ ساپالىق وزگەرىسىن كوزدەيتىنىن اتاپ كورسەتكەن بولاتىن. وسىعان وراي «مەملەكەتتىك قىزمەت بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭعا وراي, 26 ناۋرىز, ياعني كەشەگى كۇننەن باستاپ, ەلىمىزدە مەملەكەتتىك قىزمەتتىڭ جاڭا مودەلى ەنگىزىلگەن ەدى.
سارسەنبى, 27 ناۋرىز 2013 2:21
الدا نە كۇتىپ تۇر؟
ەلباسى نۇرسۇلتان نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا ورتالىقسىزداندىرۋ يدەياسىن ۇسىنىپ, ونىڭ ءمانى ەڭ الدىمەن مەملەكەتتىك باسقارۋ جۇيەسىنىڭ ساپالىق وزگەرىسىن كوزدەيتىنىن اتاپ كورسەتكەن بولاتىن. وسىعان وراي «مەملەكەتتىك قىزمەت بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭعا وراي, 26 ناۋرىز, ياعني كەشەگى كۇننەن باستاپ, ەلىمىزدە مەملەكەتتىك قىزمەتتىڭ جاڭا مودەلى ەنگىزىلگەن ەدى.
تومەندە وسى دەموكراتيالىق وزگەرىستەرگە بايلانىستى وڭىرلەردە جۇرگىزىلگەن ساۋالداماعا وراي جاۋاپتار جاريالانىپ وتىر.
__________________
العىشارتتارعا نەگىز بار
«مەملەكەتتىك قىزمەت بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭعا وراي 26 ناۋرىزدان باستاپ ەلىمىزدە مەملەكەتتىك قىزمەتتىڭ جاڭا مودەلى ەنگىزىلدى. ەلباسى نۇرسۇلتان نازارباەۆتىڭ جولداۋىندا ايتىلعان قاعيداتتاردى جۇزەگە اسىرۋداعى ماقسات – حالىققا جانە مەملەكەتكە قىزمەت ەتۋدى بارلىعىنان جوعارى قوياتىن كاسىپقوي مەملەكەتتىك اپپارات قالىپتاستىرۋ. ەندى ءداستۇرلى اكىمشىلىك جۇيەنى مەملەكەتتىك قىزمەتتىڭ كادرلىق قۇرامىن ىرىكتەۋ جانە كاسىبي دايارلىقتىڭ جەتىلدىرىلگەن ادىستەمەلەرىن ەنگىزۋ تالاپتارى الماستىراتىن بولادى.
مەملەكەتتىك اپپاراتتىڭ رەفورمالانۋىنان ۇتارىمىز كوپ. ەڭ باستىسى – كاسىبي باسقارۋشىلار كورپۋسىن جاساقتاۋ ناتيجەسىندە مەملەكەتتىك قىزمەتتىڭ ساپاسى تۇبەگەيلى ارتاتىن بولادى. ولاردىڭ ۇلكەن شوعىرىن «ا» كورپۋسىنا بىرىكتىرۋ ارقىلى ەرەكشە كاسىبي, بىلىكتىلىك تالاپتارى جۇكتەلەدى. وتاندىق زاڭداردى ءبىلۋ, مەملەكەتتىك ءتىلدى مەڭگەرۋ, پروبلەمالاردى شەشە ءبىلۋ, حالىقپەن قويان-قولتىق بايلانىس جاۋاپكەرشىلىگى ءبىرىنشى كەزەككە قويىلادى. بۇل جاڭا تۇرپاتتى توپ قانداي دا ءبىر ارتىقشىلىقتارعا يە بولادى دەگەن ءسوز ەمەس. كەرىسىنشە, ىرىكتەۋ بارىنشا اشىق تا قاتاڭ جۇرگىزىلىپ, كاسىبي ىسكەرلىگى جوعارى, حالىق, ەل مۇددەسىن ءبىرىنشى ورىنعا قوياتىن كادرلار رەزەرۆىن جاساقتاۋعا ءمۇمكىندىك تۋادى. بۇدان بىلاي مەملەكەتتىك قىزمەتكەرلەردىڭ جەكە تۇلعالىق قۇزىرەتىن باعالاۋ, ءوز قىزمەتىنە لايىقتىلىعى شىنايى جۇمىسىمەن ولشەنىپ, مەملەكەتتىك باعدارلامالىق تاپسىرمالاردى ورىنداۋى قاتاڭ سۇرالاتىن بولادى. وسىلايشا جەكە جاۋاپكەرشىلىكتى كۇشەيتۋ «كوماندالىق» ساپىرىلىسقا تىيىم سالارى, مەملەكەتتىك اپپاراتتىڭ جۇمىسىن تۇبەگەيلى جاقسارتارى, جەمقورلىقپەن كۇرەستى كۇشەيتەرى انىق.
مەملەكەتتىك قىزمەتكەرلەردىڭ ويلاۋ دەڭگەيى, جۇمىس ىستەۋ جۇيەسى ءارتۇرلى. ارالارىندا ءوز ىستەرىن جەتىك بىلەتىندەرى دە, اۋپىرىممەن ءجۇرگەندەرى دە بار. ال «ا» كورپۋسىن قۇرۋ مەملەكەتتىك قىزمەت سالاسىندا ەڭبەك ەتكىسى كەلگەن كەز كەلگەن ادامدى, اسىرەسە, جاس بۋىندى وتاندىق باسقارۋ جۇيەسىنە كەڭىنەن تارتا وتىرىپ, كاسىبي ماشىعىن توسەلدىرۋگە, ۇيىمداستىرۋشىلىق قابىلەتىن شىڭداۋعا العىشارتتار جاسايتىنى كامىل.
قايىرلى ەدىرەسوۆ,
سولتۇستىك قازاقستان وبلىستىق
ءماسليحاتىنىڭ حاتشىسى.