تۇرعىن ءۇي كەزەگىندە تۇرعان ادامداردىڭ بىرىڭعاي رەسپۋبليكالىق بازاسى ەنگىزىلەدى — ج. قاسىمبەك

قازىرگى تاڭدا باسپانا الۋ ءۇشىن اكىمدىكتەردە 512 مىڭعا جۋىق ادام كەزەكتە تۇر. كەزەكتىلىكتى بىرىڭعاي ەسەپكە الۋ تاپسىرمانىڭ اياسىندا جىلدىڭ سوڭىنا دەيىن كەزەكتە تۇرعان ادامداردىڭ بىرىڭعاي رەسپۋبليكالىق بازاسى ەنگىزىلەدى. «نۇرلى جەر» باعدارلاماسىن ىسكە اسىرۋ اياسىندا, ءبىرىنشى كەزەكتە كوپ بالالى وتباسىلارعا جالعا بەرىلەتىن باسپانالار بەرىلەدى.

«بۇل ءۇشىن ءبىز 2025 دەيىن جىل سايىن 50 ملرد تەڭگە بولەمىز. جىل سايىن 3,7 مىڭ كەزەكتە تۇرعان الەۋمەتتىك جاعىنان وسال ادامداردى ساتىپ الۋسىز جالعا بەرىلەتىن تۇرعىن ۇيمەن قامتاماسىز ەتۋگە 32,8 ملرد تەڭگەدەن ءبولۋ قاراستىرىلعان. “باقىتتى وتباسى” باعدارلاماسى بويىنشا 6 مىڭ نەسيە بەرۋگە تۇرعىن ءۇي قۇرىلىس جيناق بانكى ارقىلى ءۇش جىلدا 50 ملرد تەڭگە قارجىلاندىرىلادى», — دەدى ج. قاسىمبەك. 

ۇكىمەتكە 2023 جىلعا قاراي حالىقتىڭ ساپالى اۋىز سۋعا 100% قولجەتىمدىلىگىن قامتاماسىز ەتۋ ماقساتى جۇكتەلدى. 2019 جىلى 97% قالا تۇرعىندارى جانە 87% اۋىل تۇرعىندارى ورتالىقتاندىرىلعان سۋمەن قامتاماسىز ەتىلەتىن بولادى. 

«نۇرلى جەر» جاڭا باعدارلاماسىنداعى اۋىز سۋمەن قامتاماسىز ەتۋ شارالارىندا «اۋىل – ەل بەسىگى» جوباسىندا انىقتالعان وڭىرلىك ساياساتتىڭ باسىمدىلىقتارى ەسكەرىلەدى.

«ورتالىقتاندىرىلعان سۋمەن ەڭ كوپ سانى جانە جوعارى الەۋەتى بار اۋىلدار باسىم تارتىپپەن قامتاماسىز ەتىلەتىن بولادى, ال 200 ادامعا دەيىن تۇراتىن ەلدى مەكەندەردە سۋمەن جابدىقتاۋدىڭ جەرگىلىكتى جۇيەلەرى قولدانىلاتىن بولادى. رەسپۋبليكالىق بيۋدجەتتە 2020 جىلدان 2022 جىلعا دەيىن وسى ماقساتتارعا 250 ملرد تەڭگە كوزدەلدى. رەسپۋبليكا بويىنشا قازىرگى تاڭدا 18,1 مىڭ ءۇي كۇردەلى جوندەۋدى تالاپ ەتەدى. مەملەكەت باسشىسىنىڭ تاپسىرماسىنا سايكەس 780 كوپ پاتەرلى تۇرعىن ءۇيدى جوندەۋگە قوسىمشا 30 ملرد تەڭگە قاراستىرادى», — دەدى قر پرەمەر-ءمينيسترىنىڭ ورىنباسارى. 

اۆتوجول سالاسىندا قازىرگى ۋاقىتتا «نۇرلى جول» مەملەكەتتىك باعدارلاماسىن 2025 جىلعا دەيىن ۇزارتۋ جۇمىستارى اياقتالۋدا. باعدارلاما شەڭبەرىندە ەلىمىزدىڭ بىرىڭعاي كولىك جۇيەسى قالىپتاسادى.

مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋىنىڭ ماسەلەلەرىنىڭ ءبىرى — اۆيا بيلەتتەردىڭ قولجەتىمدىلىگى ماسەلەسى. تاسىمالداۋ سىيىمدىلىعىنىڭ تاپشىلىعى جانە بار سۇرانىستى قاناعاتتاندىرۋ ءۇشىن اۋە كەمەلەردىڭ جەتىسپەۋشىلىگى اۋە بيلەتتەرىنىڭ جوعارى قۇنى بولۋىنىڭ ەڭ باستى پروبلەماسى بولىپ تۇر.

تاريفتەردىڭ قۇنىن ءتۇسىرۋ ماقساتىندا بيىلعى مامىر ايىندا ءبىرىنشى وتاندىق تومەن بيۋدجەتتى «Fly Arystan» تاسىمالداۋشى جۇمىسىن باستادى. اعىمداعى جىلدىڭ سوڭىندا «Fly Arystan» ورىندالاتىن رەيستەر سانىن كۇنىنە 14-تەن 28 جيىلىككە دەيىن ارتتىرۋدى جوسپارلاپ وتىر.

«سونىمەن قاتار “سامۇرىق-قازىنا” ۇلتتىق ءال-اۋقات قورى» اكتسيونەرلىك قوعامىمەن بىرىگە وتىرىپ, ۇكىمەت اۋە كەمەلەرى پاركىن ۇلعايتۋ ماقساتىندا “ەير استانا” جانە “Qazaq Air” اۆياكومپانيالارىن قوسىمشا كاپيتالداندىرۋدى جوسپارلاپ وتىر. سونىمەن قاتار, قازاقستاندىق مۇناي وندەۋ زاۋىتتاردىڭ اياقتالعان جاڭعىرتۋىن ەسەپكە الا وتىرىپ, اۋە وتىننىڭ باعاسىن تومەندەتۋ بويىنشا جۇمىس جالعاستىرىلاتىن بولادى. تەمىر جول بيلەتتەرىنىڭ جەتىسپەۋشىلىگىنىڭ الدىن الۋ ماقساتىندا بيلەتتەردى ساتۋدى تسيفرلاندىرۋ جۇرگىزىلۋدە, بيلەتتەردى ساتۋ ءتارتىبىن رەتتەيتىن نورما ەنگىزىلدى, تەمىر جول كولىگىمەن جولاۋشىلاردى تاسىمالداۋ جۇيەسىن جەتىلدىرۋ جوسپارى جاسالدى», — دەدى ج. قاسىمبەك. 

«اۋىل – ەل بەسىگى» جوباسىنىڭ شەڭبەرىندە حالىقارالىق ساراپشىلارمەن جانە وڭىرلەرمەن بىرلەسىپ اۋىلداردىڭ الەۋەتىن انىقتاۋدىڭ جاڭا ادىستەمەسى ازىرلەندى. سونىڭ ناتيجەسىندە دامۋ الەۋەتى بار 3,5 مىڭ اۋىل ىرىكتەلدى. بۇل اۋىلداردا 6,6 ملن ادام نەمەسە ەلىمىزدىڭ اۋىل حالقىنىڭ 85%-ى تۇرادى. اعىمداعى جىلى 30 ملر تەڭگە ءبولىندى, ولار 700 مىڭعا جۋىق ادام تۇراتىن 53 اۋىلدىڭ ءبىرىنشى كەزەكتەگى ينفراقۇرىلىمدىق ماسەلەلەرىن شەشۋگە باعىتتالعان.

قر پرەمەر-ءمينيسترىنىڭ ورىنباسارىنىڭ ايتۋىنشا, قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتىڭ تاپسىرماسى بويىنشا «اۋىل – ەل بەسىگى» جوباسىن ىسكە اسىرۋعا 2020-2022 جىلدارعا قوسىمشا 90 ملرد تەڭگە بولىنەتىن بولادى.

سونىمەن بىرگە, جىل سوڭىنا دەيىن يندۋستريالاندىرۋدىڭ 2020-2025 جىلدارعا ارنالعان مەملەكەتتىك باعدارلاماسى قابىلدانادى. باعدارلامانى ىسكە اسىرۋ ناتيجەسىندە ەڭبەك ونىمدىلىگىنىڭ 1,7 ەسە ناقتى ءوسۋى, وڭدەۋ ونەركاسىبى ەكسپورتى كولەمىنىڭ 2,3 ەسە ءوسۋى, نەگىزگى كاپيتالعا ينۆەستيتسيالاردىڭ 2,3 ەسە ناقتى ءوسۋى بولادى.