«اتامەكەن» ۇكپ الماتى قالاسىندا قوسىمشا ماماندىقتاردى يگەرۋ بويىنشا تەگىن كۋرستار وقىتا باستادى. قىسقا مەرزىمدى وقىتۋ ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى شەڭبەرىندە ۇيىمداستىرىلعاندىقتان ءبىلىم الۋشىلار ءۇشىن وقۋ اقىسى تەگىن ءارى شاكىرتاقى قاراستىرىلعان.
قىسقا مەرزىمدى كاسىپتىك وقىتۋ كۋرستارى جۇمىس ىزدەپ جۇرگەن ءارى جۇمىسسىز ازاماتتار ءۇشىن ءتيىمدى. ءبىر ايدان باستاپ التى اي مەرزىمگە سوزىلاتىن وقىتۋ كۋرستارىنا الماتى قالاسىنىڭ جۇمىسپەن قامتۋ, سونداي-اق «اتامەكەن قولداۋ ورتالىعى» ءموبيلدى ورتالىعىندا جازىلۋعا بولادى. قازىر 85 وقۋ ورتالىعى اشىلعان. تالاپكەرلەر ءۇشىن قىرىققا جۋىق ماماندىقتىڭ ءبىرىن تاڭداۋ مۇمكىندىگى بار.
الماتى قالاسى كاسىپكەرلەر پالاتاسىنىڭ ادامي كاپيتالدى دامىتۋ ءبولىمىنىڭ باسشىسى ۆەرا تسزين اتاپ وتكەندەي, قىسقا مەرزىمدى كاسىپتىك وقىتۋ كاسىپورىندار بازاسىندا ۇيىمداستىرىلادى. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ العاشقى باعىتى بويىنشا بيىل «اتامەكەن» ۇكپ ءبىلىم بەرۋ ۇيىمدارىنىڭ تىزىمىنە قوسىمشا 65 ءبىلىم بەرۋ ۇيىمى ەنگەن. وسى باعىتتا سوڭعى ەكى جىلدا 20-عا جۋىق وقۋ ورتالىعى اشىلسا, قازىرگى كەزدە ولاردىڭ قاتارىندا 85 ءبىلىم بەرۋ ۇيىمى, ونىڭ ىشىندە 53 كاسىپورىن مەن قاۋىمداستىق, 10 دەربەس ورتالىق پەن 22 كوللەدج بار.
الماتى