ەۋرازيالىق توپ (ERG) قۇرامىندا كىرەتىن «شۇباركول كومىر» اق ديرەكتورلار كەڭەسىنىڭ شەشىمىمەن رۋستام يبراگيموۆ كاسىپورىن پرەزيدەنتىنىڭ مىندەتىن اتقارۋشى بولىپ تاعايىندالدى دەپ حابارلادى «شۇباركول كومىر» اق كورپوراتيۆتىك كوممۋنيكاتسيالار ءبولىمى.
سونداي-اق ديرەكتورلار كەڭەسىنىڭ شەشىمىمەن وسىعان دەيىن كاسىپورىن پرەزيدەنتىنىڭ قىزمەتىن اتقارىپ كەلگەن اندرەي سافونوۆتىڭ وكىلەتتىگى باسقا جۇمىسقا اۋىسۋىنا بايلانىستى توقتاتىلدى.
رۋستام يبراگيموۆ ءجۇسىپ بالاسۇعىن اتىنداعى قىرعىز ۇلتتىق ۋنيۆەرسيتەتىن «قارجى» ماماندىعى بويىنشا تامامداعان. رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ «ىسكەرلىك باسقارۋ شەبەرى» مارتەبەسىن العان.
ونىڭ ەڭبەك جولى ۇزاق ۋاقىت بويى ەۋرازيالىق توپپەن تىعىز بايلانىستى. باسقارۋشى كومپانيادا جەتەكشىلىك لاۋازىمداردى اتقارعان. «ERG-ءدىڭ كوممەرتسيالىق ورتالىعى» جشس باسقارعان. 2018 جىلعى مامىردان باستاپ قازىرگى قىزمەتىنە دەيىن «شۇباركول كومىر» اق ءبىرىنشى ۆيتسە-پرەزيدەنتىنىڭ قىزمەتىندە بولدى.
جاڭا باسشى قىزمەتىنە 1 قىركۇيەكتەن باستاپ كىرىستى.
«شۇباركول كومىر» – قازاقستانداعى كۇلدىلىگى از جوعارى ساپالى كومىر ءوندىرۋشىسى. سونىمەن قاتار, كاسىپورىن كوكس گازىنان ارنايى كوكس پەن ەلەكتر ەنەرگياسىن وندىرۋمەن اينالىسادى. ERG كومپانياسى ەۋروپا, ازيا جانە الەمنىڭ باسقا دا جەرلەرىندەگى 20-دان استام ەلگە كومىر جەتكىزەدى.
قاراعاندى وبلىسى