ەلوردامىزداعى بەيبىتشىلىك جانە كەلىسىم سارايىندا كونستيتۋتسيا كۇنىنە وراي كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعى, اقپارات جانە قوعامدىق دامۋ مينيسترلىگىنە قاراستى ءدىن ىستەرى كوميتەتى ۇيىمداستىرعان ءدىني بىرلەستىكتەر وكىلدەرىنىڭ كەزەكتى وتىرىسى ءوتتى.
ءدىني بىرلەستىك باسشىلارى تاۋەلسىز مەملەكەتتىڭ قالىپتاسۋىنداعى كونستيتۋتسيانىڭ مىندەتى تۋرالى اڭگىمە قوزعاپ, كەلىسىم مەن ديالوگتى دامىتۋداعى رولىنە ەرەكشە توقتالدى.
اقپارات جانە قوعامدىق دامۋ مينيسترلىگىنە قاراستى ءدىن ىستەرى كوميتەتى توراعاسى ەرجان نۇكەجانوۆتىڭ توراعالىعىمەن وتكەن جيىنعا كونفەسسياارالىق جانە وركەنيەتارالىق ديالوگتى دامىتۋ جونىندە ن.نازارباەۆ ورتالىعىنىڭ باسقارما توراعاسى التاي ابيبۋللاەۆ, «نۇر-استانا» مەشىتىنىڭ يمامى اسقار مۇقانوۆ, باسقا دا ءدىني كونفەسسيالاردىڭ وكىلدەرى جينالدى. جيىنعا قاتىسۋشىلار كونستيتۋتسيانىڭ ەرەكشە تاريحي مىندەتىنە توقتالدى. سونداي-اق كوپكونفەسسيالىق جانە كوپۇلتتىق قوعام ازاماتتارىنىڭ مەملەكەتتىڭ دامۋى مەن گۇلدەنۋىنە قوسقان ۇلەسىن, زايىرلى مەملەكەتتەگى ءدىن مەن ءدىني داستۇرلەردىڭ ءمانىن, قازاقستانداعى قازىرگى ءدىني احۋال, ەلدەگى ءدىني بىرلەستىك وكىلدەرىنىڭ ۇلتتىق دەڭگەيدە كەلىسىم مەن ديالوگتى دامىتۋداعى ءرولىن ەرەكشە اتاپ ءوتتى. وتىرىسقا جينالعاندار اتا زاڭ بەيبىتشىلىك پەن قاۋىپسىزدىكتىڭ, كوپۇلتتى جانە كوپكونفەسسيالى قوعامنىڭ ىرگەلى نەگىزى ەكەنىن ايتتى. ەرجان نۇكەجانوۆ ءوز كەزەگىندە ءدىني بىرلەستىك وكىلدەرىمەن جوعارى دەڭگەيدەگى سىيلاستىققا تۇزىلگەن ديالوگتى جالعاستىرۋعا نيەتتى ەكەنىن جەتكىزدى.
سونىمەن قاتار ءدىني بىرلەستىك وكىلدەرى قازاقستانعا قونىس اۋدارعان كەزدەرى, بىرلەستىكتەردىڭ اشىلۋ تاريحى تۋرالى اڭگىمەلەپ, ەستەلىكتەرىمەن ءبولىستى. جيىن كونستيتۋتسيا كۇنىنە وراي قازاقستان حالقىن قۇتتىقتاۋ ءماتىنىن قابىلداۋمەن اياقتالدى.