ەلباسى ولاردىڭ قايعىسىنا ورتاق ەكەنىن ءبىلدىردى جانە اگەنتتىك باس ديرەكتورىنىڭ جۇبايى يۋكيكا امانو مەن ىنىسى ماري امانوعا يادرولىق قارۋسىز الەم جانە جاھاندىق قاۋىپسىزدىك ءۇشىن نازارباەۆ سىيلىعىمەن ماراپاتتاۋ راسىمىنە قاتىسقانى ءۇشىن العىسىن ءبىلدىردى. بۇل تۋرالى Elbasy.kz حابارلادى.
- ەندىگى جەردە امانو مىرزا ءۇشىن بار ىستەي الاتىنىمىز – ءوز جۇرەگىمىزدە ول تۋرالى ەستەلىكتى ساقتاۋ. بۇل سىيلىقتى الۋ ءۇشىن سىزدەردىڭ كەلگەندەرىڭىز ءۇشىن العىسىم شەكسىز, - دەدى قازاقستاننىڭ تۇڭعىش پرەزيدەنتى.
ءوز كەزەگىندە يۋكيكا امانو و دۇنيەلىك بولعان جۇبايىنىڭ قىزمەتىن جوعارى باعالاعانى جانە وسىنداي ماراپات ءۇشىن ريزاشىلىعىن ايتتى.
- بۇگىن ءسىزدىڭ قولىڭىزدان وسىنداي جوعارى ناگرادانى الدىم. بۇل مەن ءۇشىن جوعارى مارتەبە. بۇگىنگى سالتاناتتى راسىمگە جولداسىمنىڭ ءوزى قاتىسقىسى كەلگەن ەدى. قازاقستانمەن جانە جەكە سىزبەن جۇمىس ىستەيتىنىن ماقتان ەتىپ, ءجيى ايتاتىن, - دەدى يۋ. امانو.