Smart Astana ءموبيلدى قوسىمشاسىندا قايىرىمدىلىق ۇيىمدارىنىڭ كراۋدفاندينگتىك پلاتفورماسى ىسكە قوسىلدى. بۇل تۋرالى نۇر-سۇلتان قالاسى اكىمىنىڭ ورىنباسارى ماليكا بەكتۇروۆا ءوزىنىڭ تەلەگرام كانالىندا (https://t.me/MBekturova) حابارلادى. بۇل تۋرالى قالا اكىمدىگىنىڭ رەسمي سايتى حابارلادى.
«قازىر قايىرىمدىلىق ۇيىمدارىنىڭ كراۋدفاندينگتىك پلاتفورماسىن ىسكە قوستىق. سىزدەر تەز ءارى قاۋىپسىز تۇردە قايىرىمدىلىق جوبالارىنىڭ ەسەبىنە ساداقا بەرە الاسىزدار», دەپ جازدى ماليكا بەكتۇروۆا.
سونداي-اق, ونىڭ ايتۋىنشا, Smart Astana قوسىمشاسىندا 70-تەن استام سەرۆيس پەن قىزمەت بار. بۇل باعدارلامانىڭ كومەگىمەن دارىگەردىڭ قابىلداۋىنا جازىلىپ, ونى ۇيگە شاقىرىپ, ءوزىنىڭ سالىقتىق مارتەبەسىن, دەنساۋلىعىنا بايلانىستى جۇمىسقا ۋاقىتشا جارامسىزدىعى تۋرالى انىقتامانىڭ تۇپنۇسقالىعىن تەكسەرۋگە جانە ت.ب. ىستەۋگە بولادى.
جاڭا وقۋ جىلىنىڭ الدىندا Smart Astana بوياۋلارى دايىن بولدى. ەندى ەلوردانىڭ تسيفرلىق مۇمكىندىكتەرى تۋرالى سۋرەتتى بوياۋ ارقىلى بىلۋگە بولادى. ونى جۇكتەۋ تەگىن, بۇعان قوسا ولار بالاباقشالار, مەكتەپتەر, ساۋدا ورتالىقتارى, ەمحانالار, اۋرۋحانالار جانە ت.ب. جەرلەردە قولجەتىمدى بولادى.