قازاقستاندىقتاردىڭ نەسيە بويىنشا بورىش جۇكتەمەسىن ازايتۋ شارالارى ايتىلدى

س. جاقىپوۆا ايتقانداي, مەملەكەت ەسەبىنەن زايمدارى مەن نەسيەلەرى بويىنشا قارىزدى وتەۋ مۇمكىندىگىن قازاقستاندىقتار ەلەكتروندى ۇكىمەت پورتالىنىڭ باستى بەتىندە ورنالاسقان «بورىش جۇكتەمەسىن ازايتۋ بويىنشا باعدارلاماعا قاتىسۋ ءۇشىن ستاتۋسىن تەكسەرۋ» ەلەكتروندى سەرۆيسىنىڭ كومەگىنە ناقتىلاي الادى. ول ءۇشىن ەتسق قاجەت.

«Egov پورتالىندا ستاتۋستى انىقتاۋ بويىنشا سەرۆيس ۇيىمداستىرىلدى. ادام ءوزىنىڭ ەتسق ارقىلى كىرىپ, پورتالعا تىركەلەدى دە, جسن كورىپ, جاۋاپ الا الادى», — دەپ ءتۇسىندىردى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.

ونىڭ ايتۋىنشا, بۇدان ءارى بۇگىندە تۋىنداپ جاتقان ماسەلەلەرگە بايلانىستى سەرۆيستى جەتىلدىرۋ كوزدەلگەن.

«قانداي دا ءبىر ساناتقا جاتقىزىلعانىمەن, ازاماتتاردىڭ ءوز ستاتۋسىن انىقتاي الماۋىنا بايلانىستى شاعىمدار بار. ەگەر ادام ءوزىنىڭ وسى ساناتقا جاتاتىنىن نەگىزدەي السا, وندا ءتىزىم تولىقتىرىلاتىن بولادى. احاج دەرەكتەر بازاسى تسيفرلىق فورماتقا 2008 جىلى كوشىرىلگەنىن, بىراق 2008 جىلعا دەيىن جاسالعان ازاماتتىق جاعداي اكتىلەرى بارىن جانە ولاردىڭ تسيفرلاندىرىلماعانىن, سوندىقتان دەرەكتەر بازاسىندا جوقتىعىن ەسكەرۋ قاجەت.  بۇل جاعدايدا ازاماتتار احاج بولىمىنە بارىپ, ءوزىنىڭ نەكە تۋرالى كۋالىگىن تسيفرلاندىرۋى قاجەت. وسىلايشا, وزەكتەندىرۋ رەجيمىندە ءبىز وسى ازامات تۋرالى مالىمەتتەر الامىز, ال بورىش جۇكتەمەسىن ازايتۋ تۋرالى تىزىمدەر تولىقتىرىلاتىن بولادى», — دەپ ءتۇسىندىردى س. جاقىپوۆا.

ماسەلەن, ءبىر جانە/نەمەسە ەكى اتا-اناسىنان ايىرىلعان ازامات نەكە تۋرالى نەمەسە تۋ تۋرالى كۋالىگىن تسيفرلاندىرۋ ءۇشىن ءبىلىم جانە عىلىم مينيسترلىگىنە, ال زاڭدى نەكەدە تۇراتىن وتباسى مۇشەسى - ادىلەت مينيسترلىگىنە جۇگىنۋى ءتيىس.

«ەگەر 29 جاسقا دەيىنگى جەتىم ادام ءوزىن پورتالداعى تىزىمنەن تاپپاعان بولسا, ول ءوزىن تىزىمگە ەنگىزۋ ءۇشىن بعم-گە جازباشا تۇردە جۇگىنە الادى. بۇل رەتتە ول اتا-اناسىنىڭ قايتىس بولعانى تۋرالى كۋالىكتى جانە تۋ تۋرالى كۋالىگىن قوسىمشا ۇسىنۋى ءتيىس. وسىلايشا, بعم ونلاين رەجيمدە ءتىزىمدى بىزگە بەرەدى, ال ءبىز ولاردى پورتالدا تولىقتىراتىن بولامىز», — دەپ ءتۇسىندىردى ۆيتسە-مينيستر.

قازىرگى كەزدە قيىن جاعدايعا تاپ بولعان جانە ءوزىنىڭ نەسيەلىك مىندەتتەمەلەرىن ورىنداي المايتىن ازاماتتار ساناتىندا كوپبالالى وتباسىلار, مۇگەدەك بالالاردى تاربيەلەپ وتىرعان وتباسىلار مەن جالعىز اسىراۋشىسىنان ايىرىلعان وتباسىلار, اتاۋلى الەۋمەتتىك كومەكتى الاتىندار, جەتىم بالالار بار. 

بانكتەر مەن شاعىن قارجىلىق ۇيىمداردان كەپىلدىكسىز تۇتىنۋشىلىق نەسيە العان بارلىق ازاماتتار ءۇشىن 2019 جىلعى 1 شىلدەدەگى جاعداي بويىنشا ەسەپتەلگەن ايىپپۇلدار مەن ءوسىمپۇلداردى ەسەپتەن شىعارۋ جۇرگىزىلەتىن بولادى.

ء«بىزدى ماقساتىمىز - ومىردە قيىن جاعدايعا ۇشىراعان قازاقستاندىقتارعا كومەكتەسۋ, ولارعا ءوز وتباسىلارىنىڭ قارجىلىق جاعدايىن جاقسارتۋعا مۇمكىندىك بەرۋ. ءبىر رەتتىك اكتسيا رەتىندە تىكەلەي جانە اتاۋلى قارجىلاي كومەك تۇرىندە وسى ساناتقا جاتاتىن ءاربىر قارىز الۋشى ءۇشىن ەكىنشى دەڭگەيلى بانكتەر مەن شاعىن قارجىلىق ۇيىمداردا جالپى كولەمى 300 مىڭ تەڭگەگە دەيىنگى نەگىزگى قارىز بەن وعان ەسەپتەلگەن سىياقى وتەلەتىن بولادى», — دەدى س. جاقىپوۆا.

بۇل رەتتە اعىمداعى جىلعى 1 ماۋسىمداعى جاعداي بويىنشا جالپى قارىز كولەمى 3 ملن تەڭگەدەن اسپاۋى ءتيىس. ەگەر زايم كولەمى 300 مىڭ تەڭگەدەن اساتىن بولسا, وندا ولاردىڭ قارىزىنىڭ ءبىر بولىگى 300 مىڭ تەڭگە كولەمىندە وتەلەتىن بولادى. 

ۆيتسە-مينيستر اتاپ وتكەندەي, جەكە تۇلعالاردىڭ تولەۋ مەرزىمى 90 كۇننەن اسىپ كەتكەن بارلىق كەپىلدىكسىز تۇتىنۋشىلىق زايمدارى بويىنشا نەسيەلەردى بەرۋ مەن قىزمەت كورسەتۋگە قاتىستى كوميسسيالار جانە باسقا تولەمدەردى ەسەپتەۋگە تىيىم سالۋ ەنگىزىلەدى.

«مينيسترلىك باسقا دا وكىلەتتى ورگاندارمەن بىرلەسىپ دەرەكتەر بازاسىن تەكسەردى, اتالعان ساناتتارعا جاتاتىن تۇلعالاردىڭ جەكە دەرەكتەرى ايقىندالدى. بۇگىندە نەسيە بيۋروسىنا 2 ملن 289 مىڭنان استام ادامنىڭ مالىمەتتەرى بەرىلگەن. سانى انىقتالدى, تىزىمدەر بەرىلدى», — دەدى ول. 

تىزىمدەر بىرەگەيلىگىنە تەكسەرىلىپ, ۇلتتىق بانك مەن مەملەكەتىك نەسيە بيۋروسىنا بەرىلدى. ۇلتتىق بانك ءوز تاراپىنان ءتيىستى جۇمىستار جۇرگىزدى, ونىڭ ىشىندە نەسيەلەرى جوق ادامداردى, جالپى قارىز كولەمى 3 ملن تەڭگەدەن اساتىنداردى جانە زايمدارى كوللەكتورلىق ۇيىمدارعا بەرىلگەندەردى تىزىمنەن شىعاردى.

«پروبلەمالى  نەسيەلەر قورى ەكىنشى دەڭگەيلى بانكتەرمەن كەلىسىمشارتتار جاسايدى. بۇگىندە نەسيەلەرى وتەلەتىن 507 مىڭعا جۋىق ادام انىقتالدى», — دەدى س. جاقىپوۆا.

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اتاپ وتكەندەي, بۇل رەتتە ءبىر ادامدا 3 ملن تەڭگەدەن اسپايتىن كولەمدە 2-3 نەسيەسى بولۋى مۇمكىن.

«قوعامدا ەگەر ەرلى-زايىپتىلاردىڭ ەكەۋىندە دە نەسيە بولعان جاعدايدا ول قالاي وتەلەدى دەگەن سۇراق ءجيى تۋىندايدى. تيىسىنشە, ەرەجە بويىنشا ەگەر جارلىق شارتتارىنا ساي كەلسە, ەكەۋىنىڭ دە نەسيەسى وتەلەدى», — دەدى س. جاقىپوۆا.

ەسكە سالايىق, 2019 جىلى 26 ماۋسىمدا قر پرەزيدەنتى ق. توقاەۆ ومىردە قيىن جاعدايعا تاپ بولعان قازاقستان ازاماتتارىنىڭ بورىش جۇكتەمەسىن ازايتۋ بويىنشا ۋاقىتىلى كومەك كورسەتۋ ءۇشىن ءبىر رەتتىك تارتىپپەن ەكىنشى دەڭگەيلى بانكتەر مەن شاعىن قارجىلىق ۇيىمداردان العان كەپىلدىكسىز تۇتىنۋشىلىق قارىزدارىن وتەۋ بويىنشا شارالار قابىلداۋدى تاپسىرعان ەدى.