كەزدەسۋدە تاراپتار ەلباسىنىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان مىندەتتەردى ىسكە اسىرۋ جايىن تالقىلاپ, ەلىمىزدىڭ باس گازەتىنىڭ 100 جىلدىعىنا ارنالعان شارالار جايلى دا ءسوز قوزعالدى.
وقىرمانعا سەنىمدى اقپارات تاراتۋدا الار ورنى بار سالماقتى باسىلىمنىڭ الداعى جوسپارلارىمەن بولىسكەن دارحان قۋاندىق ۇلى گازەتتىڭ عاسىرلىق تويى قارساڭىندا الاشتىڭ اياۋلى ازاماتتارى تۇرار رىسقۇلوۆ, سۇلتانبەك قوجانوۆتىڭ تۋعانىنا 125 جىل تولۋىنا وراي, شىمكەنت قالاسىندا عىلىمي كونفەرەنتسيا وتكىزۋدى ۇسىندى.
ءوز كەزەگىندە قالا باسشىسى «Egemen Qazaqstan» گازەتىنىڭ مەرەيتويىمەن قۇتتىقتاپ, ەلىمىزدىڭ باس باسىلىمىنىڭ الداعى جۇمىسىنا ساتتىلىك تىلەدى. سونىمەن قاتار اكىم ايتىلعان ۇسىنىستاردى قولدايتىنىن جەتكىزدى.