اقتوبە وبلىسىنىڭ ايماقتىق پالاتاسىنىڭ جەكە سوت ورىنداۋشىلارى قارعالى اۋىلىندا تۇراتىن كوپ بالالى وتباسىعا كومەكتەسىپ جاتىر. ايماعامبەكوۆتەر وتباسىندا 5 بالا بار. وتاناسى بالا تاربيەسىمەن ۇيدە وتىر. ال وتاعاسى اۋلا سىپىرۋشى بولىپ جۇمىس ىستەيدى. جالاقىسى از.
بۇگىندە ءبىر جەردەن سىم, ءبىر جەردەن شيفەر, ەندى ءبىر جەردەن قيىرشىق تاس پەن بوياۋ ساتىپ الىپ جۇرگەن وتباسى وزدەرى سالىپ جاتقان ءۇيدىڭ ءبىر بولمەسىندە تۇرادى. ء«بىزدىڭ ەڭ ۇلكەن ارمانىمىز - وسى ءۇيىمىزدى سالىپ ءبىتىرۋ. جولداسىم قولىنان كەلگەنشە تىرىسىپ ءجۇر. ءۇيدى سالىپ الساق, بالالارىمىز سول ۇيدە باقىتتى عۇمىر كەشەتىن بولادى» دەيدى بيبىگۇل ايماعامبەكوۆا.
بىراق ءۇيدى تولىق سالىپ ءبىتىرۋ ءۇشىن قاراجات جەتپەي جاتقان كورىنەدى. ال جاقىندا بالالار ءۇشىن ساباق باستالادى. ولاردى مەكتەپكە دايىنداۋ كەرەك.
"جەكە سوت ورىنداۋشىلارعا كومەكتەرى ءۇشىن راحمەت ايتامىز. بالالارعا مەكتەپ فورماسىن ساتىپ الدىق. ءۇيدى سالىپ بولعاننان كەيىن ءبارىن مىندەتتى تۇردە ۇيگە قوناققا شاقىرامىن. ءبىزدىڭ وتباسى قيىن كەزدە قول ۇشىن سوزعان جانداردى ەشقاشان ۇمىتپايدى» دەيدى ايماعامبەكوۆتەر وتباسى.