سىرتقى ساياسي ۆەدومستۆو باسشىسىنىڭ بەرلينگە ساپارى قورىتىندىسى بويىنشا نەمىس ينۆەستورلارى قازاقستاننىڭ ينۆەستيتسيالىق الەۋەتىنە جوعارى باعا بەرىپ, قازاقستان-نەمىس ينۆەستيتسيالىق ىنتىماقتاستىعىن ارتتىرۋ بويىنشا جول كارتاسىن ازىرلەۋگە, سونداي-اق بىرلەسكەن ستراتەگيالىق جوبالاردىڭ تىزبەسىن جاساۋعا كەلىستى. بۇل تۋرالى مينيسترلىكتىڭ ءباسپاسوز قىزمەتى حابارلادى.
سىرتقى ىستەر ءمينيسترى بەيبىت اتامقۇلوۆ گەرمانياعا العاشقى رەسمي ساپارى اياسىندا قازاقستان-نەمىس ىسكەرلىك «دوڭگەلەك ۇستەلىن» وتكىزدى. ءىس-شاراعا گەرمان ەكونوميكاسىنىڭ شىعىس كوميتەتى جانە جالپى كاپيتالداندىرۋ 180 ملرد دوللار بولاتىن 20 نەمىس كومپانيالاردىڭ وكىلدەرى قاتىستى. ولاردىڭ ىشىندە Linde Group, GEA Group, Deutsche Post, TUI Group, CLAAS KGaA mbH, Schaeffler Technologies AG & Co. KG, Deichmann SE, LEMKEN GmbH & Co. KG, سونداي-اق Tönnies Holding ApS & Co. KG, Böhmer GmbH سەكىلدى ترانسۇلتتىق كومپانيالار.
«دوڭگەلەك ۇستەل» قاتىسۋشىلارى ەكىجاقتى كەلىسسوزدەر جۇرگىزىپ, ەلدىڭ ينۆەستيتسيالىق كليماتىن, قازاقستانداعى جۇمىس تاجىريبەسىن تالقىلاپ, ماشينا جاساۋ, اگروونەركاسىپ كەشەنى, مۇناي-گاز حيمياسى, قۇرىلىس, كولىك, جەڭىل ونەركاسىپ سالالارىنداعى ءوزارا ءتيىمدى ىنتىماقتاستىق پەرسپەكتيۆالارىن بەلگىلەدى.
سىرتقى ىستەر ءمينيسترى ەلىمىزدىڭ ەكونوميكاسىنىڭ نەگىزگى دامۋ باعىتتارى تۋرالى ەگجەي-تەگجەيلى بايانداپ, نەمىس بيزنەسىنە يندۋستريالاندىرۋ, تسيفرلاندىرۋ, «قاراپايىم زاتتار» ەكونوميكاسى باعدارلامالارىن ىسكە اسىرۋعا, «جاسىل ەكونوميكا» بازاسىن قۇرۋعا جانە «استانا» حالىقارالىق قارجى ورتالىعىنىڭ جۇمىسىنا بەلسەندى قاتىسۋدى ۇسىندى.
ەلباسىنىڭ 2012 جىلى بەرلينگە ساپارى اياسىندا شيكىزات, ونەركاسىپ جانە تەحنولوگيالىق سالالارداعى ارىپتەستىك تۋرالى قول قويىلعان كەلىسىمى ماڭىزدى ءرول اتقارادى.
تالقىلاۋ بارىسىندا «Kazakh Invest» ۇك» اق» باسقارما توراعاسىنىڭ ورىنباسارى رۋستام يساتاەۆ قازاقستانداعى گەرمان كومپانيالارى ءۇشىن ينۆەستيتسيالىق مۇمكىندىكتى, ءوسۋ پەرسپەكتيۆالارى جانە ينۆەستيتسيالىق قىزمەتتى مەملەكەتتىك قولداۋ شارالارى تۋرالى حابارلادى. ونىڭ ايتۋىنشا, بۇگىنگى كۇنى قازاقستاندا ءوز جوبالارىن ىسكە اسىرۋعا قىزىعۋشىلىق تانىتقان بەس كومپانيامەن بەلسەندى كەلىسسوزدەر جۇرگىزىلۋدە.
گەرمان تاراپىنىڭ سپيكەرلەرى قازاقستانداعى جۇمىسىنىڭ تاجىريبەسى تۋرالى ايتىپ, ەاەو, قىتاي, تاياۋ شىعىس, ورتالىق ازيا نارىقتارىنا قول جەتكىزۋ ارتىقشىلىقتارى جانە بيزنەس پەن ينۆەستيتسيالاردى كەڭەيتۋ ءۇشىن جاسالعان مۇمكىندىكتەردى جوعارى باعالادى. گەرمان كاسىپكەرلەرى قازاقستاننىڭ اگروونەركاسىپ كەشەنىنە مال شارۋاشىلىعى جانە تاماق ونەركاسىبىنەن باستاپ اۋىلشارۋاشىلىق ماشينا جاساۋ, زىعىر مايىن جانە مينەرال تىڭايتقىشتاردى وندىرۋگە دەيىن ەرەكشە قىزىعۋشىلىق تانىتتى.
«CLAAS KGaA mbH» كومپانياسىنىڭ قاداعالاۋشى كەڭەسىنىڭ توراعاسى, گەرمان ەكونوميكاسىنىڭ شىعىس كوميتەتى باسقارما توراعاسىنىڭ ورىنباسارى كاترينا كلااس-ميۋلحويزەر ەكى ەل اراسىنداعى ساۋدا-ەكونوميكالىق ارىپتەستىكتىڭ وڭدى دامۋ ديناميكاسى تۋرالى اتاپ ءوتتى: «بۇگىنگى كۇنى قازاقستان ورتالىق ازياداعى ەڭ ماڭىزدى سەرىكتەس بولىپ سانالادى. جاڭا فۋنكتسيالار سىرتقى ىستەر مينيسترلىگىنىڭ قۇزىرەتىنە وتكەن كۇننەن باستاپ ارامىزداعى ارىپتەستىك ارتىپ جاتىر».
«Deutsche Post International» كومپانياسىنىڭ ۆيتسە-پرەزيدەنتى يۋرگەن لومەيەر ەلىمىزدىڭ كولىكتىك-لوگيستيكالىق سالاسى دامۋىنىڭ وڭ ۇردىستەرى تۋرالى ايتىپ, سوڭعى 5 جىلدا قىتايدان ەۋروپاعا جانە كەرى باعىتتا قازاقستان اۋماعى بويىنشا جۇك تاسىمالىنىڭ كولەمى ايتارلىقتاي ۇلعايعانىن اتاپ ءوتتى.
تاراپتار ينۆەستيتسيالىق ىنتىماقتاستىعىن ارتتىرۋ بويىنشا جول كارتاسىن ازىرلەۋگە, سونداي-اق بىرلەسكەن ستراتەگيالىق جوبالاردىڭ تىزبەسىن جاساۋعا كەلىستى.
قازاقستان دەلەگاتسياسىنا اۋىلشارۋاشىلىعى ءمىنىسترىنىڭ ءبىرىنشى ورىنباسارى ايداربەك ساپاروۆ, سولتۇستىك قازاقستان وبلىسى اكىمىنىڭ ءبىرىنشى ورىنباسارى مارات تاسماعانبەتوۆ, «KEGOC» اق, «قازاگرو» ۇبح» اق, «قازگەولوگيا» اق, «برك-ليزينگ» اق, «Kazakh Invest» ۇك» اق, «اگروماشحولدينگ» اق-نىڭ باسشىلارى جانە تاعى باسقا قازاقستان ىسكەر توپتارىنىڭ وكىلدەرى قاتىستى.