جاڭا وقۋ جىلىندا 71 مىڭ وقۋشى پارتاعا وتىرادى. ولاردىڭ 9 مىڭنان استامى – ءبىرىنشى سىنىپ وقۋشىلارى.
«بيىل مەكتەپ تابىلدىرىعىن العاش اتتايتىن بۇلدىرشىندەردىڭ سانى 850-گە ارتىپ وتىر. جىلداعى ءداستۇر بويىنشا «مەكتەپكە جول» اكتسياسى كەڭ قولداۋ تاپتى. 2059 بالاعا وقۋ قۇرالدارى ساتىپ الىندى. تاعى دا 9 مىڭ وقۋشىعا قولداۋ كورسەتىلەدى», دەيدى ءبىلىم باسقارماسىنىڭ ماماندارى.
وبلىستا بارلىعى 479 ءبىلىم ورداسى بار.مەكتەپكە دەيىنگى ءبىلىم بەرەتىن 492 ۇيىمدا 20 مىڭنان استام جەتكىنشەك تاربيەلەنەدى. «بەرەكە» شاعىناۋدانىندا 600 ورىندى مەكتەپ ءۇيى پايدالانۋعا بەرىلەدى. وقۋلىقتار ساتىپ الۋعا 942 ميلليون تەڭگە ءبولىنىپ, جارتىسىنان استامى جەتكىزىلگەن.
وڭىردە مۇمكىندىگى شەكتەۋلى بالالارعا دا بارلىق مۇمكىندىكتەر قاراستىرىلعان. وسى ساناتتاعى 4300-دەن اسا وقۋشى ءۇشىن 7 ارنايى تۇزەتۋ مەكتەپ-ينتەرناتى, 15 پسيحولوگيالىق-پەداگوگيكالىق ورتالىق جۇمىس ىستەيدى. الداعى ۋاقىتتا ينكليۋزيۆتى جانە رەسۋرستىق سىنىپتار اشىلادى. «اسىل ميراس» قايىرىمدىلىق قورىنىڭ قولداۋىمەن «اۋتيزم. الەم–بارىمىزگە ورتاق» اتتى ورتالىق ءوز جۇمىسىن باستايدى.
سولتۇستىك قازاقستان وبلىسى