قازىر مەملەكەتتىك قىزمەت ءتۇرى ەلەكتروندى فورماتقا اۋىسۋدا. ۇيدە وتىرىپ-اق, قاجەتتى انىقتامانى الىپ, ءوتىنىش تولتىرا الاسىز. ۋاقىتىڭىز ۇنەمدى, كەزەك كۇتىپ شارشامايسىز.
«ازاماتتارعا ارنالعان ۇكىمەت» مەملەكەتتىك كورپوراتسياسى» جەرگىلىكتى فيليال ماماندارىنىڭ ايتۋىنشا, ءوڭىر تۇرعىندارى اراسىندا مەملەكەتتىك قىزمەتتەردى ونلاين تۇردە الۋعا بولاتىنىن بىلمەيتىندەر از ەمەس. ەلەكتروندى فورماتتاعى قىزمەتتەردى الۋ ءۇشىن ءاربىر ادام ءموبيلدى ازاماتتار بازاسىندا تىركەلە الادى. ءتىپتى انىقتامالاردى تاۋلىك بويى ونلاين الۋعا مۇمكىندىك بار.
قازىر «mgov.kz» ءموبيلدى قوسىمشاسى مەن تەلەگرامداعى «EgovKzBot» ءموبيلدى ازاماتتار بازاسىنا تىركەلىپ, اتالعان قوسىمشالاردى ۇيالى تەلەفونىڭىزعا جۇكتەيسىز.
ال «تەلەگرام-بوت» قوسىمشاسى وتە ىڭعايلى جانە جىلدام جۇمىس ىستەيدى. مىسالى, 2 مينۋت ىشىندە ءسىز قاجەتتى قۇجاتىڭىزدى راسىمدەپ, جەكە e-mail پوشتاڭىزعا جولداي الاسىز. تەلەگرام-بوت ارقىلى مەكەنجاي, جىلجىمايتىن م ۇلىكتىڭ جوقتىعى تۋرالى, سونداي-اق تۋبەركۋلەزگە قارسى جانە باسقا دا ديسپانسەرلەردىڭ انىقتامالارى سياقتى 25 ءتۇرلى قىزمەتتەردى دە پايدالانۋعا مۇمكىندىك بار. ءموبيلدى ازاماتتار بازاسىندا تىركەلىپ, ەلەكتروندى ساندىق قولتاڭباڭىز بولسا, بارلىق ماسەلە وزدىگىنەن شەشىلەدى.
ءسويتىپ ءسىزدىڭ ۇيالى تەلەفونىڭىز «قالتاڭىزداعى حقو» دەپ اتالاتىن بولادى. تۋ تۋرالى كۋالىك, جەكە كۋالىك (تولقۇجات), ديپلوم كوشىرمەلەرى, ومىرگە ءسابي اكەلگەندەرگە تولەنەتىن جاردەماقى, زەينەتكەرلىك تولەمدەر سياقتى قۇجاتتاردى ۇيدەن شىقپاي-اق الۋعا بولادى.
– «تسيفرلى قازاقستان» دەگەن وسى! تسيفرلى ومىرگە ۇيرەنەيىك, – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى» جەرگىلىكتى فيليال ماماندارى.
پاۆلودار