تابيعاتتا تىلسىم سىرى اشىلماعان قۇپيا از ەمەس. الىستان ات شالدىرىپ كەلگەن تۋريستەر زەرەندى ايماعىنداعى ايداھار ۇڭگىرىندە بولعان ساتتەرىندە تاڭ-تاماشا قالادى. بىلەتىندەردىڭ ايتۋىنا قاراعاندا, وسى جەرگە تابانى تيگەن, ۇڭگىرگە جاقىنداعان ادامنىڭ بويىنا قيساپسىز كۇش-قۋات قۇيىلادى ەكەن. كيەلى جەرگە جەتۋ ءۇشىن تاۋ اسىپ, تاس باسىپ, الدەنەشە شاقىرىم جوعارى ورلەۋىڭ كەرەك. بىراق ءبىر عاجابى تابيعاتتىڭ ءتىلىن, ناقتىراق ايتساق, كۇيىن تىڭداۋ. سول ءۇشىن دە كەلەتىندەر از ەمەس.
جەرگىلىكتى تۇرعىندار بۇل جەردى قاسيەتتى سانايدى. ادام اعزاسىنىڭ تازارۋى ءۇشىن وتە پايدالى ەكەن. اسىرەسە جۇيكە اۋرۋىمەن اۋىراتىن ادامدار كوپ كەلەدى. بالكىم تۇمسا تابيعاتتىڭ تىنىشتىق قۇشاعىنداعى جان جۇرەگىڭدى الديلەيتىن, بۋسانتا بالقىتاتىن ەرەكشەلىگىنەن بە ەكەن.
ۇڭگىردىڭ كىرەر اۋزى ونشالىقتى ۇلكەن ەمەس. ال ىشكى ءبۇيىن ىسپەتتەس بولىگى ات شاپتىرىم كەڭ. كەيىنگىگە جەتكەن اڭىز بويىنشا جايدان-جاي قاسيەتتى سانالماعان. ەستە جوق ەسكى كەزەڭدە وسى ۇڭگىردە اۋىرىپ-سىرقاعاندى ەمدەيتىن ەمشى ءومىر ءسۇرىپتى. الدىنا كەلگەن سىرقات دەرتىنەن پىشاقپەن سىلىپ العانداي ايىعادى ەكەن. بىراق جەتۋ قيىن. سوندا دا پەندەگە دەنساۋلىق قىمبات. تابانىن تاسقا توزدىرىپ, ەمشىنىڭ قابىلەتىنە سەنىپ كەلگەندەردىڭ ساعى سىنعاندارى جوق دەسەدى. كۇندەردىڭ ءبىر كۇنىندە عاجايىپ قابىلەتكە يە ەمشى قارتايىپ, ومىردەن وتكەن سوڭ ونىڭ بويىنداعى شيپالى قۋاتى وسى جەردە بوگىپ قالعان. ءوزى بولماعانىمەن, كوزىندەي تىلسىم كۇش ءالى كۇنگە دەيىن ادامدارعا شاراپاتىن تيگىزۋدە.
قازاق جەرىندە كيەلى جەرلەردىڭ از ەمەستىگى بەلگىلى. قۇپياسى دا جۇمباق. سونداي ءتامام جۇرتتى تاڭعالدىراتىن كيەلى جەردىڭ ءبىرى وسى – ايداھار ۇڭگىرى.
اقمولا وبلىسى,
زەرەندى اۋدانى