بۇگىن الماتى اكىمدىگىنىڭ ءباسپاسوز ورتالىعىندا الماتى قالاسى قوعامدىق كەڭەسىنىڭ توراعاسى راحمان الشانوۆ پەن جپق باستىعى تورەحان ءيسيننىڭ قاتىسۋىمەن الماتى قالاسىنىڭ جولدارىندا قاۋىپسىزدىكتى قامتاماسىز ەتۋ جانە ءولىمدى ازايتۋدىڭ قوسىمشا شارالارى تۋرالى بريفينگ ءوتتى.
پوليتسيا دەپارتامەنتىنىڭ مالىمەتى بويىنشا سوڭعى جەتى ايدا الماتى قالاسىنىڭ اۋماعىندا جول-كولىك وقيعالارىندا قازا بولعانداردىڭ سانى 73-تەن 83 ادامعا دەيىن ء(وسىم 13,7%) كوبەيگەن. قالا اۋماعىنداعى اپاتتىق ۋچاسكەلەردىڭ ءبىرى – الاتاۋ اۋدانىنىڭ اۋماعى بولىپ تابىلادى. اتاپ ايتقاندا, ساين (4), مومىش ۇلى (5), سولتۇستىك اينالىم (3), جانقوجا باتىر (2) كوشەلەرى.
تالداۋ ناتيجەلەرى كورسەتكەندەي, جولدارداعى ءولىم-ءجىتىمنىڭ نەگىزگى سەبەپتەرى كوشەلەردىڭ جارىقتاندىرىلماۋى, باعدارشامدار مەن جاياۋ جۇرگىنشىلەر وتپەلىنىڭ از بولۋى, كولىك جىلدامدىعىن تومەندەتۋ ءۇشىن جاساندى كەدىر-بۇدىر ەلەمەنتتەرىنىڭ كوپتىگى جانە قوزعالىس قاۋىپسىزدىگىن باقىلايتىن بەينەكامەرالاردىڭ جەتكىلىكسىز بولۋى ەكەن.
وسىعان بايلانىستى قالا اكىمدىگى پوليتسيا دەپارتامەنتىمەن بىرلەسە وتىرىپ بىرقاتار شارالاردى قابىلدايدى.
جىل سوڭىنا دەيىن 208 كوشەگە جارىق ورناتۋ جوسپارلانۋدا. 70 جاياۋ جۇرگىنشىلەر وتپەلىنە دە جارىق قويىلادى. سونداي-اق پد-مەن بىرلەسىپ كريمينوگەندىك جانە اپاتتى ۋچاسكەلەردى جارىقتاندىرۋ ماسەلەسى جولعا قويىلدى. 2020 جىلدىڭ سوڭىنا دەيىن قالانىڭ بارلىق اۋلالارى مەن كوشەلەرىنە جارىق ورناتۋ جوسپارلانىپ وتىر.
قالا بويىنشا «سەرگەك» بەينەكامەرالارى ورناتىلادى. قوسىمشا 707 بەكەت پايدا بولادى. جول-كولىك وقيعالارىنا اسا بەيىم 72 ۋچاسكە قايتا قۇرىلاتىن بولادى. بۇرىلۋ راديۋسى قىسقارتىلىپ, تروتۋارلار سانى مەن پاندۋستاردى كوبەيەدى. سونداي-اق ستاتيستيكا بويىنشا جول-كولىك وقيعاسىن 46%-عا تومەندەتۋگە مۇمكىندىك بەرەتىن قاۋىپسىزدىك ارالدارى پايدا بولادى. قىركۇيەك ايىندا 50 ۋچاسكەدە قاۋىپسىزدىك ارالدارى پايدا بولادى.
رەتتەلمەيتىن قيىلىستاردا قوسىمشا 7 باعدارشام نىساندارىن ورناتۋ قولعا الىنادى. 12-گە جۋىق رەتتەلمەيتىن جاياۋ جۇرگىنشىلەر وتكەلىنە LED-جارىقتاندىرۋدى قويۋ جۇمىستارى اياقتالۋعا جاقىن. سونداي-اق رەتتەلمەيتىن 3 جاياۋ جۇرگىنشىلەر وتكەلىنە سي-5 تىرەكتەرىندەگى بەلگىلەرمەن جابدىقتاۋ بويىنشا جۇمىستار اياقتالۋدا.
كولىك قۇرالدارىنىڭ جىلدامدىعىن ماجبۇرلەپ تومەندەتۋ ءۇشىن جاساندى كەدىر-بۇدىرلىقتىڭ سانى ارتادى.
مەكتەپ ماڭىنداعى جانە ادامدار كوپ جينالاتىن جەرلەردە رەتتەلمەيتىن جاياۋ جۇرگىنشىلەر وتكەلدەرىن ورناتۋ بويىنشا جۇمىستار جۇرگىزىلۋدە. سونىمەن قاتار قالا اكىمدىگىنە قالا تۇرعىندارى مەن اۆتواۋەسقويلار تاراپىنان جوعارى جىلدامدىقتى ماگيسترالداردا (شااج, ءال-فارابي داڭعىلى) ساعاتىنا 80 شاقىرىمعا دەيىن رۇقسات ەتىلگەن جىلدامدىقتى قايتارۋدى سۇراۋدا. وسىعان بايلانىستى قالا اكىمشىلىگى سوڭعى ءبىر جارىم ايدىڭ ىشىندە قوعامدىق قىسىمدى سەزىپ كەلەدى.
ءال-فارابي داڭعىلى, شااج قالانىڭ نەگىزگى ترانزيتتىك ماگيسترالدارى بولىپ تابىلادى. شەت ەلدەردىڭ تاجىريبەسى كورسەتكەندەي, جىلدامدىقتى شەكتەۋ كوبىنەسە ورتالىق كوشەلەرگە قولدانىلادى. مىسالى, يسپانيانىڭ اينالمالى جولدارىندا رۇقسات ەتىلگەن ەڭ جوعارى جىلدامدىق 120 كم/ساع, ماسكەۋدىڭ مكاد-ىندا – 100 كم/ساع. اكىم مەن اكىمدىكتىڭ, Open Almaty-عا كەلىپ تۇسكەن وتىنىشتەردىڭ باسىم بولىگى اتالعان كوشەلەردە جىلدامدىق رەجيمىن 80 ساع/شاقىرىم جىلدامدىقتى قايتارۋدى كورسەتتى. بۇگىنگى كۇنگە 800-دەن استام ءوتىنىش كەلىپ ءتۇستى. الماتى قالاسىنىڭ قوعامدىق كەڭەسى, قالا اكىمدىگى جۇرتشىلىقتىڭ قالاۋى بويىنشا رۇقسات ەتىلگەن 80 كم/ساع جىلدامدىقتى ورتاق اينالما جول مىندەتىن اتقارىپ وتىرعان ءال-فارابي داڭعىلى مەن شااج-دا قايتا ەنگىزبەك.