بۇگىن «ۇلكەن دۋلىعا» ساناتىنا جاتاتىن تەننيسشىلەر اراسىنداعى ەڭ ءىرى تۋرنيرلەردىڭ ءبىرى – اقش-تىڭ اشىق بىرىنشىلىگىنىڭ ىرىكتەۋ سىندارى باستالادى.
ىرىكتەۋ ويىندارىندا قازاقستاننىڭ ەكى ويىنشىسى باق سىنايدى. ولار – ەلەنا رىباكينا مەن الەكساندر نەدوۆەسوۆ. ايەلدەردىڭ الەمدىك رەيتينگىندە 67 ورىندا تۇرعان 20 جاستاعى جەرلەسىمىز ەلەنا رىباكينا تۇساۋكەسەر كەزدەسۋىندە WTA تىزىمىندە 454 ساتىعا جايعاسقان امەريكالىق ەمما ناۆاررومەن شەبەرلىك بايقاسادى.
ەرلەردىڭ الەمدىك رەيتينگىندە 225 ورىنعا تابان تىرگەن الەكساندر نەدوۆەسوۆ پورتۋگاليانىڭ وكىلى جواو دومينگەسپەن سايىسقا تۇسەدى. پيرەنەي تۇبەگىنىڭ تۇلەگى ۇزدىكتەر تىزىمىندە 185 ورىندى ەنشىلەۋدە.
ال تورتكۇل دۇنيەنىڭ ەڭ ۇزدىك تەننيسشىلەرى باس قوساتىن نەگىزگى تۋرنير 26 تامىزدا باستالادى.