بۇگىن بىشكەك قالالىق سوتىنىڭ كوشپەلى وتىرىسىندا اتامباەۆتى قىرعىزستاننىڭ مەملەكەتتىك ۇقك تەرگەۋ يزولياتورىندا ۇستاۋ شاراسىن قارادى, دەپ حابارلايدى قازاقپارات كابار اگەنتتىگىنە سىلتەمە جاساپ.
وتىرىستا سوت بۇلتارتپاۋ شاراسىن وزگەرتكەن جوق. بۇرىنعى پرەزيدەنت 26 تامىزعا دەيىن يزولياتوردا بولادى.
ەسكە سالا كەتەيىك, قىرعىزستاننىڭ بۇرىنعى پرەزيدەنتى بىرنەشە باپ بويىنشا ايىپتالىپ وتىر. اتاپ ايتقاندا, اتامباەۆ: بىشكەك جىلۋ ەنەرگيا ستانساسىن جاڭعىرتۋ كەزىندە سىبايلاس جەمقورلىققا جول بەردى, بىشكەك جىلۋ ەنەرگيا ستانساسىنا كومىر جەتكىزۋدە سىبايلاس جەمقورلىققا جول بەردى, زاڭسىز جولمەن تابىستارىن ارتتىردى («فورۋم» عيماراتى ءىسى), گەولوگيا اگەنتتىگىنىڭ جەكەلەگەن لاۋازىمدى تۇلعالارىمەن بىرگە ليتسەنزيا بەرۋ بويىنشا سىبايلاس جەمقورلىققا جول بەردى دەگەن كۇدىككە ىلىككەن.
بۇدان بولەك, باس پروكۋرور وتكۋربەك دجامشيتوۆ اتامباەۆ قارۋ پايدالانۋ, جاپپاي تارتىپسىزدىك ۇيىمداستىرۋ, تەرگەۋگە كەدەرگى جاساۋ, ادامداردى كەپىلگە الۋ, ادام ءولتىرۋدى ۇيىمداستىرۋ, ادام ولتىرۋگە ارەكەت جاساۋ باپتارى بويىنشا كۇدىككە ىلىنگەن مالىمدەگەن.