وڭىرلىك شتابقا بەلگىلى دارىگەر, بۇرىنعى ۆيتسە-مينيستر, «مەديتسينالىق ساقتاندىرۋ قورى» باسقارما توراعاسىنىڭ ورىنباسارى ەريك ابەن ۇلى ءبايجۇنىسوۆ قاتىستى.
شتاب توراعاسى, ماڭعىستاۋ وبلىسى اكىمىنىڭ ورىنباسارى قانىبەك بەكبولات ۇلى جۇماشەۆ توراعالىق ەتكەن شتاب وتىرىسىندا جاڭا رەفورما – الەۋمەتتىك مەديتسينالىق ساقتاندىرۋ جۇيەسىن حالىققا ءتۇسىندىرۋ جايىندا ماسەلە كوتەرىلدى.
جىل وتكەن سايىن حالىق سانى ءوسىپ كەلەدى. بالا تۋ كورسەتكىشى دە جوعارى. ون جىل ىشىندە حالىقتىڭ ورتاشا ءومىر ءسۇرۋ جاسى دا زاردى. 10 جىل بۇرىن 60-65 جاس بولسا, قازىر ورتاشا جاس – 75. ادام جاسىنىڭ ۇلعايۋى دەگەن ءسوز استارىندا كارىلىك ءومىردىڭ ۇزارۋ ۇعىمى جاتىر. بۇگىنگى تاڭدا 65 جاستان اسقان اسقاندار ۇلەسى حالىقتىڭ 10 پايىزىن قۇراپ وتىر. مالىمەتتەرگە سۇيەنسەك, 2025 جىلعا دەيىن وسى ازاماتتار سانى 3 ميلليونعا دەيىن جەتەدى دەپ كۇتىلۋدە. 2025 جىلى حالىقتىڭ 7 ميلليونعا جۋىعى بالالار بولۋى مۇمكىن. ال حالىق سانى 20 ميلليونعا جەتسە, بالالار مەن قارتتار 10 ميلليوندى قۇراماق. وسى ەسەپ نەگىزىندە بولاشاقتا دەنساۋلىق ساقتاۋ سالاسىنا قانشا قاراجات جۇمسالاتىندىعى الدىن الا بولجانادى. ەندىگى رەتتە مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزە وتىرىپ, قوسىمشا قاراجات كوزىنە قول جەتكىزەتىن بولامىز, - دەدى العاشقى سپيكەر ەريك ابەن ۇلى.
وبلىستىق دەنساۋلىق ساقتاۋ باسقارماسى باسشىسىنىڭ م.ا. ساعىمباەۆ ءانۋار ءالىمجان ۇلىنىڭ ايتۋى بويىنشا, ماڭعىستاۋدا مارتەبەسى جوق ادامدار سانى – 15 794.
ماڭعىستاۋدا جالدامالى جۇمىسشىلار – 905, ءوزىن-ءوزى جۇمىسپەن قامتىعاندار – 5 527,جۇمىسپەن قامتۋ ورتالىقتارىندا تىركەلمەگەن جۇمىسسىزدار – 5 019, جۇمىس كۇشى قۇرامىنا كىرمەيتىن تۇلعالار (جقش-دا جۇمىس ىستەيتىندەر, ستۋدەنتتەر, تىركەلمەگەن جۇكتى ايەلدەر, 3 جاسقا دەيىنگى بالالار كۇتىمىندەگىلەر, كوشىپ كەتكەندەر, قايتىس بولعاندار) – 827, فورماليزاتسيادان باس تارتقاندار – 1 081, مارتەبەسى انىقتالماعاندار – 2 435. بۇل ەڭبەك, الەۋمەتتىك قورعاۋ جانە كوشى-قون كوميتەتىنىڭ ماڭعىستاۋ وبلىسى بويىنشا دەپارتامەنتى بەرگەن اقپارات, - دەپ اتاپ ءوتتى ءا.ساعىمباەۆ.
ءمامس جۇيەسى تۋرالى سىرتقى جارنامالار ورناتۋ, قوعامدىق ورىنداردا ۆيدەو-اۋديو روتاتسيا, حابارلاندىرۋ پاراقشالارىن ۇلەستىرۋ وبلىستا جاندانۋى ءتيىس. ەگەر, ادانداردا, شالعاي اۋىلدارداعى تۇرعىندار بۇل اقپاراتپەن تانىس بولماسا, ولار ءمامس پاكەتىندەگى قىزمەت تۇرلەرىن الا الماي, 2020 جىلدان باستاپ ەنەتىن جاڭا رەفورمادا قيىندىقتار تۋى مۇمكىن. سول سەبەپتى, ءمامس جۇيەسى تۋرالى تۇسىندىرمە جۇمىستارىن جۇرگىزۋدە قالا, اۋدان اكىمدەرىنەن قولداۋ كۇتەمىز, - دەدى «امسق» ماڭعىستاۋ فيليالىنىڭ ديرەكتورى ب.يسماحانبەتوۆ.
وتىرىس سوڭىندا, شتاب توراعاسى قانىبەك جۇماشەۆ جاڭا جۇيەنى قايتكەندە قوعامعا سىڭىرۋگە بولاتىندىعىن تالقىعا سالدى. ق.جۇماشەۆ حالىققا ۇزدىكسىز ءتۇسىندىرۋ جۇمىستارىن جۇرگىزە وتىرىپ, از ۋاقىتتا اقپاراتتاندىرۋدى كۇشەيتۋدى قاداپ ايتتى, ووسى ماقساتتا قۇزىرلى ورگاندارعا ناقتى تاپسىرمالار بەردى.