جۇما, 31 مامىر 2013 2:21
پرەزيدەنت جانىنداعى جاستار ساياساتى جونىندەگى كەڭەستىڭ توراعاسى عابيدۋللا ءابدراحىموۆتىڭ جەتەكشىلىگىمەن وتەتىن كەڭەستىڭ ءاربىر وتىرىسى ادەبيەت پەن مادەنيەت, عىلىم مەن ءبىلىم, ساياسات پەن كاسىپكەرلىك سەكىلدى سان سالالى, سان الۋان تارماقتى جاستار ءومىرىنىڭ وزەكتى ماسەلەلەرىن تالقىلاۋ, كۇردەلى ماسەلەلەردىڭ ءىشىنارا شەشىمىن تابۋ, سەبەبىن انىقتاۋ, سالدارىن تانۋ, سول ارقىلى جاستاردىڭ قوعامداعى بەلسەندىلىگىن ارتتىرۋ, ورنىن ايشىقتاۋدى ماقسات تۇتىپ كەلەدى. مىسالى, جاقىندا شىمكەنت قالاسىنداعى م.اۋەزوۆ اتىنداعى ۋنيۆەرسيتەتتىڭ باس عيماراتىندا كەڭەستىڭ حV كوشپەلى وتىرىسى بولدى. وسى جيىندا كەڭەس مۇشەلەرى جاستار ومىرىنە تىكەلەي قاتىستى مەملەكەتتىك ماڭىزى بار ماسەلەلەردى كوتەردى. ماسەلەن, ءوز باسىم كەڭەس مۇشەسى رەتىندە ءتورت ماسەلەنى ورتاعا سالدىم.
جۇما, 31 مامىر 2013 2:21
پرەزيدەنت جانىنداعى جاستار ساياساتى جونىندەگى كەڭەستىڭ توراعاسى عابيدۋللا ءابدراحىموۆتىڭ جەتەكشىلىگىمەن وتەتىن كەڭەستىڭ ءاربىر وتىرىسى ادەبيەت پەن مادەنيەت, عىلىم مەن ءبىلىم, ساياسات پەن كاسىپكەرلىك سەكىلدى سان سالالى, سان الۋان تارماقتى جاستار ءومىرىنىڭ وزەكتى ماسەلەلەرىن تالقىلاۋ, كۇردەلى ماسەلەلەردىڭ ءىشىنارا شەشىمىن تابۋ, سەبەبىن انىقتاۋ, سالدارىن تانۋ, سول ارقىلى جاستاردىڭ قوعامداعى بەلسەندىلىگىن ارتتىرۋ, ورنىن ايشىقتاۋدى ماقسات تۇتىپ كەلەدى. مىسالى, جاقىندا شىمكەنت قالاسىنداعى م.اۋەزوۆ اتىنداعى ۋنيۆەرسيتەتتىڭ باس عيماراتىندا كەڭەستىڭ حV كوشپەلى وتىرىسى بولدى. وسى جيىندا كەڭەس مۇشەلەرى جاستار ومىرىنە تىكەلەي قاتىستى مەملەكەتتىك ماڭىزى بار ماسەلەلەردى كوتەردى. ماسەلەن, ءوز باسىم كەڭەس مۇشەسى رەتىندە ءتورت ماسەلەنى ورتاعا سالدىم.
ونىڭ ءبىرى: استانا جانە الماتى سەكىلدى رەسپۋبليكالىق مارتەبەسى بار قالالار مەن وبلىس ورتالىقتارىندا ادەبيەت پەن ونەر, ساياسات پەن عىلىم, سپورت سالاسىندا جۇرگەن جاستاردىڭ باسپانامەن قامتاماسىز ەتىلۋى. قۇستىڭ دا ءوز ۇياسى بولادى عوي.ەكىنشى ماسەلە: ەلىمىزدە شىعارماشىلىق جاستارعا ارنالعان «شابىت» سەكىلدى ءبىر عانا حالىقارالىق فەستيۆال بار. ەندى رەسپۋبليكالىق دەڭگەيدە بولسا دا جاستاردىڭ دارىنىن ۇشتاپ, قارىمىن ارتتىراتىن, قاناتىن قاتايتىپ, توماعاسىن سىپىراتىن ءارى ءداستۇرلى تۇردە جىلدا ءوتىپ وتىراتىن فەستيۆال بولسا, نۇر ۇستىنە نۇر بولار ەدى. «شابىت» ەلوردامىزدا وتسە, مۇنى مادەنيەتىمىزدىڭ التىن قازىعى – الماتىدا وتكىزۋگە بولادى.ءۇشىنشى ماسەلە: ەلباسىنىڭ ادەبيەت پەن ونەرگە دەگەن ۇلكەن ىقىلاسىنىڭ ناتيجەسىندە قازاق ادەبيەتىندە ەسىمى التىنمەن جازىلعان اردا قالامگەرلەرىمىزدىڭ اتىنداعى «اباي وقۋلارى», «ورالحان بوكەي وقۋلارى», «مۇقاعالي وقۋلارى» سەكىلدى وقۋلار وتكىزىلىپ كەلەدى. مەكتەپ قابىرعاسىندا جۇرگەن جاستاردى قاناتتاندىرۋ ماقساتىندا وسى وقۋلاردىڭ ارقايسىسىنا بەس گرانتتان بولىنسە. بۇل – ۇلتتىق يدەولوگيامىزدىڭ ىرگەتاسى سانالاتىن ادەبيەتكە دەگەن ماحاببات پەن قۇرمەتتى كۇشەيتەر ەدى.ءتورتىنشى ماسەلە: كوركەم اۋدارما. مۋزىكا مەن سپورت ءتىلى – الەمگە ورتاق. ۇدەمەلى يندۋستريانى جولعا قويعان, يننوۆاتسيالىق جوبالارمەن قارىشتاپ دامىپ جاتقان ەكونوميكالىق قۋاتتى مەملەكەتتىڭ, ول مەملەكەتتى قۇراۋشى ۇلتتىڭ شىن بولمىسىن, رۋحاني بەت-بەينەسىن الەمگە الىپ شىعار, دۇنيەگە تانىتار قۇرال – ادەبيەت. جاس قالامگەرلەردىڭ شىعارماشىلىعىنىڭ الەم حالىقتارى تىلدەرىنە, تىم بولماسا تمد اۋماعىنداعى ەلدەر تىلدەرىنە اۋدارىلۋى – ۋاقىت تالابى. اسىرەسە, ءۇش تۇعىردىڭ ءبىرى – اعىلشىن ءتىلى – الەمگە اشىلعان تەرەزە. جاس قالامگەرلەردىڭ شىعارماشىلىعىن اعىلشىن تىلىنە اۋدارۋ – جاس مەملەكەتىمىزدىڭ جاڭا رۋحاني كەڭىستىككە شىعۋىن قامتاماسىز ەتەر ەدى.مارالتاي رايىمبەك ۇلى,اقىن, قازاقستان جازۋشىلار وداعى باسقارما توراعاسىنىڭ ورىنباسارى, پرەزيدەنت جانىنداعى جاستار ساياساتى جونىندەگى كەڭەستىڭ مۇشەسى.وڭتۇستىك قازاقستان وبلىسى.