بۇل تۋرالى ۇكىمەتتىڭ ءباسپاسوز قىزمەتى حابارلادى.
قر پرەمەر-ءمينيسترى اسقار ءماميننىڭ توراعالىعىمەن وتكەن قر ۇكىمەتىنىڭ وتىرىسىندا 2019 جىلعى قاڭتار–شىلدەدەگى قر الەۋمەتتىك-ەكونوميكالىق دامۋ قورىتىندىسى جانە رەسپۋبليكالىق بيۋدجەتتىڭ ورىندالۋى قارالدى, سونداي-اق جاڭا وقۋ جىلىنىڭ باستالۋىنا دايىندىق ماسەلەلەرى تالقىلاندى.
وتىرىستىڭ كۇن تارتىبىندەگى ءبىرىنشى ماسەلە بويىنشا ۇلتتىق ەكونوميكا ءمينيسترى ر. دالەنوۆ, يندۋستريا جانە ينفراقۇرىلىمدىق دامۋ ءمينيسترى ر. سكليار, قر ۇلتتىق بانكىنىڭ توراعاسى ە. دوساەۆ, ءبىرىنشى قارجى ۆيتسە-ءمينيسترى ب. شولپانقۇلوۆ باياندادى.
وڭىرلەردىڭ الەۋمەتتىك-ەكونوميكالىق دامۋ قورىتىندىلارى بويىنشا الماتى وبلىسىنىڭ اكىمى ا. باتالوۆ, جامبىل وبلىسىنىڭ اكىمى ا. مىرزاحمەتوۆ, سولتۇستىك قازاقستان وبلىسىنىڭ اكىمى ق. اقساقالوۆ تىڭدالدى.
قر پرەمەر-ءمينيسترى 2019 جىلعى 15 شىلدەدەگى ۇكىمەتتىڭ كەڭەيتىلگەن وتىرىسىندا مەملەكەت باسشىسى ق. ك. توقاەۆ العا قويعان مىندەتتەر اياسىندا ۇكىمەتتىڭ نەگىزگى باسىمدىقتارى — حالىقتىڭ تۇرمىس ساپاسىن جاقسارتۋ, تابىسىن ارتتىرۋ, جاڭا جۇمىس ورىندارىن اشۋ, ينۆەستيتسيالىق احۋالدى جاقسارتۋ ەكەنىن اتاپ ءوتتى.
«قر ۇكىمەتىنىڭ كەڭەيتىلگەن وتىرىسىنىڭ قورىتىندىسى بويىنشا بەكىتىلگەن ناقتى شارالار جوسپارى ءبىزدىڭ ەكونوميكامىزدىڭ ودان ءارى دامۋىنا وڭ ىقپالىن تيگىزەتىن بولادى», — دەدى ا. مامين.
وسى جىلدىڭ قاڭتار-شىلدە ايلارىندا ءجىو ءوسىمى وتكەن جىلدىڭ ءتيىستى كەزەڭىنە شاققاندا 4,2% قۇرادى. وڭ ءوسىم قۇرىلىستا 11,5%-دى, ساۋدادا 7,5%-دى, كولىك سالاسىندا 5,4%-دى, وڭدەۋ سەكتورىندا, ونىڭ ىشىندە ماشين اجاساۋدا 17,7%-دى, جەڭىل ونەركاسىپتە 14,3%-دى, ءتۇستى مەتالدار الۋدا 17,2%-دى, مۇناي وڭدەۋدە 5,1%-دى قۇرادى.
سونىمەن قاتار, سالالىق مينيسترلىكتەر كومىر, شيكى مۇناي ءوندىرۋ, حيميا ونەركاسىبى جانە قارا مەتاللۋرگيا سالاسىنداعى جوسپارلانعان كورسەتكىشتەرگە جەتۋ بويىنشا شارالاردى كۇشەيتۋى كەرەك.
«7 ايدىڭ قورىتىندىسى بويىنشا نەگىزگى بازالىق كورسەتكىشتەر بويىنشا اتىراۋ, قاراعاندى, قوستاناي, قىزىلوردا, تۇركىستان جانە شىعىس قازاقستان وبلىستارىندا ەكونوميكالىق وسىمگە قول جەتكىزىلدى», — دەپ ا. مامين, «اكىمدەر مەن مەملەكەتتىك ورگانداردىڭ, وڭىرلەردىڭ باسشىلارى سوڭعى ناتيجەگە قول جەتكىزۋگە جانە بيۋدجەت قاراجاتىن جوسپارلى يگەرۋگە دەربەس جاۋاپ بەرەتىنىن» اتاپ ءوتتى.
«ەلباسى باستامالارى مەن مەملەكەت باسشىسىنىڭ قازاقستاندىقتاردىڭ ءال-اۋقاتىن جاقسارتۋ جونىندەگى تاپسىرمالارىن ۋاقىتىلى جانە ساپالى ورىنداۋ ءۇشىن ينۆەستيتسيالاردى بەلسەندى تارتۋدى, ءونىمدى جۇمىس ورىندارىن قۇرۋدى, ەكونوميكانى ءارتاراپتاندىرۋدى, ونىمدىلىكتى ارتتىرۋدى, ەكسپورتتى ىلگەرىلەتۋدى, تەحنولوگيالار مەن يننوۆاتسيالار ترانسفەرتىن جالعاستىرۋ قاجەت», — دەدى قر پرەمەر-ءمينيسترى.
جاڭا وقۋ جىلىنىڭ باستالۋىنا دايىندىق تۋرالى قر ءبىلىم جانە عىلىم ءمينيسترى ا. ايماعامبەتوۆتىڭ, سونداي-اق تۇركىستان وبلىسىنىڭ اكىمى ءو.شوكەەۆ پن نۇر-سۇلتان قالاسىنىڭ اكىمى ا. كولگىنوۆتىڭ باياندامالارى تىڭدالدى.
بۇگىنگى تاڭدا مەكتەپتەردىڭ جاڭا وقۋ جىلىنا دايىندىعى 85%-دى قۇرايتىنىن ايتا كەلە, ۇكىمەت باسشىسى بارلىق ءبىلىم بەرۋ نىساندارىن 1 قىركۇيەككە دەيىن 100%-عا دايىنداۋ قاجەتتىگىن ايتتى. ارىس قالاسىنداعى مەكتەپتەردىڭ وقۋ جىلىنا دايىندىعىنا ەرەكشە نازار اۋدارۋ تاپسىرىلدى.
قر پرەمەر-ءمينيسترى وقۋلىقتارمەن قامتاماسىز ەتۋ, بالالاردى تاسىمالداۋ جانە مەكتەپ وقۋشىلارىنا ىستىق تاماق بەرۋدى ۇيىمداستىرۋ ماسەلەسىنە باسا نازار اۋدارا وتىرىپ, «وسى جىلدىڭ 15 شىلدەسىندە وتكەن قر ۇكىمەتىنىڭ كەڭەيتىلگەن وتىرىسىندا مەملەكەت باسشىسىنىڭ ءبىلىم بەرۋ ۇيىمدارىنىڭ ماتەريالدىق-تەحنيكالىق بازاسىن نىعايتۋ تۇرعىسىنان, ونىڭ ىشىندە كومپيۋتەرلەندىرۋ, مەكتەپ پروتسەستەرىن تسيفرلاندىرۋ ماسەلەلەرى بويىنشا بەرگەن تاپسىرمالارىن ورىنداۋدى كۇشەيتۋ قاجەتتىگىن» ايتتى.