مۇرات راحمەت ۇلى مۇقاەۆ باسقا جۇمىسقا اۋىسۋىنا بايلانىستى قر پرەزيدەنتى اكىمشىلىگى جانە ورال قالاسى ءماسليحاتىنىڭ كەلىسىمىمەن روتاتسيا بويىنشا ورال قالاسىنىڭ اكىمى بولىپ شىنىبەكوۆ ابات اباي ۇلى تاعايىندالدى. بۇل تۋرالى باتىس قازاقستان وبلىسى اكىمىنىڭ ءباسپاسوز قىزمەتى حابارلادى.
شىنىبەكوۆ ابات اباي ۇلى 1973 جىلى دۇنيەگە كەلگەن. باتىس قازاقستان اۋىل شارۋاشىلىق ينستيتۋتىن «اۋىل شارۋاشىلىعىن مەحانيكالاندىرۋ», «ەۋرازيا» باتىس قازاقستان مەنەدجمەنت جانە تىلدەر ينستيتۋتىن «ەكونوميكا جانە مەنەدجمەنت», باتىس قازاقستان ينجەنەرلىك-گۋمانيتارلىق ۋنيۆەرسيتەتىن «اقپاراتتىق جۇيەلەر» ماماندىقتارى بويىنشا بىتىرگەن. تەحنيكا عىلىمدارىنىڭ ماگيسترى.
ءار جىلدارى:- قاراتوبە اۋدانىنىڭ اكىمى اپپاراتىندا مامان, باس مامان, ءبولىم مەڭگەرۋشىسى,- باتىس قازاقستان وبلىسى اكىمى اپپاراتىندا باس مامان, باس ينسپەكتور,- كازتالوۆ اۋدانىنىڭ اكىمىنىڭ ورىنباسارى,- ورال قالاسى اكىمدىگىندە ءبولىم باستىعى, اكىم كەڭەسشىسى- «نۇر وتان» پارتياسىنىڭ باتىس قازاقستان وبلىستىق فيليالى توراعاسىنىڭ ورىنباسارى;- ورال قالاسىنىڭ ءماسليحات حاتشىسى;- سىرىم اۋدانىنىڭ اكىمى بولىپ قىزمەتتەر اتقارعان.
2017 جىلدىڭ ماۋسىم ايىنان باستاپ كازتالوۆ اۋدانىنىڭ اكىمى بولدى.