پرەزيدەنتتىڭ جارلىعىمەن داريعا نازارباەۆا سەنات دەپۋتاتى بولىپ تاعايىندالدى دەپ حابارلايدى اقوردانىڭ ءباسپاسوز قىزمەتى.
داريعا نۇرسۇلتانقىزى نازارباەۆا 1963 جىلى قاراعاندى وبلىسىنىڭ تەمىرتاۋ قالاسىندا تۋعان.
1983 جىلى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ تاريح فاكۋلتەتىن, 1985 جىلى س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەن.
1985-1987 جىلدارى - م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى تاريح فاكۋلتەتىنىڭ تاعىلىمدامادان ءوتۋشى-زەرتتەۋشىسى.
1987-1990 جىلدارى - م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ اسپيرانتى. ساياسي عىلىمدار دوكتورى, تاريح عىلىمدارىنىڭ كانديداتى.
1992-1994 جىلدارى - «بوبەك» بالالار قايىرىمدىلىق قورىنىڭ ۆيتسە-پرەزيدەنتى.
1994-1995 جىلدارى - «قازاقستان تەلەديدارى مەن راديوسى» رەسپۋبليكالىق كورپوراتسياسىنىڭ ۆيتسە-پرەزيدەنتى, «حابار» ۇلتتىق تەلەۆيزيالىق اقپاراتتىق اگەنتتىگىنىڭ ديرەكتورى.
1995-1998 جىلدارى - «حابار» اگەنتتىگى» رەسپۋبليكالىق مەملەكەتتىك كاسىپورنىنىڭ باس ديرەكتورى.
1998-2001 جىلدارى - «حابار» اگەنتتىگى» جاق-نىڭ پرەزيدەنتى.
2001-2004 جىلدارى - «حابار» اگەنتتىگى» جاق-نىڭ ديرەكتورلار كەڭەسىنىڭ ءتورايىمى.
2004-2007 جىلدارى - ءىىى سايلانعان قازاقستان رەسپۋبليكاسى پارلامەنتى ءماجىلىسىنىڭ رەسپۋبليكالىق «اسار» پارتياسىنىڭ ءتىزىمى بويىنشا سايلانعان دەپۋتاتى, «ايماق» دەپۋتاتتىق توبىنىڭ جەتەكشىسى. 2007-2012 جىلدارى - «قازاقستان رەسپۋبليكاسى تۇڭعىش پرەزيدەنتى قورى» قوعامدىق قورىنىڭ ديرەكتورى.
2012-2014 جىلدارى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, الەۋمەتتىك-مادەني دامۋ كوميتەتىنىڭ ءتورايىمى.
2014-2015 جىلدارى - قر پارلامەنتى ءماجىلىسى توراعاسىنىڭ ورىنباسارى. 2015 جىلعى قىركۇيەكتەن قر پارلامەنتى سەناتىنىڭ دەپۋتاتى, حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى بولدى.
2019 جىلدىڭ ناۋرىزىنان قر پارلامەنتى سەناتىنىڭ توراعاسى بولدى. «نۇر وتان» حدپ ساياسي كەڭەسىنىڭ مۇشەسى.
2001 جىلدان باستاپ ەۋرازيالىق مەديا فورۋمىنىڭ ۇيىمداستىرۋشىسى جانە ۇيىمداستىرۋ كوميتەتىنىڭ ءتورايىمى. «قۇرمەت», «پاراسات» وردەنىمەن جانە فرانتسيا رەسپۋبليكاسىنىڭ ادەبيەت جانە ونەر وردەنىمەن ماراپاتتالعان. اعىلشىن, يتاليان, نەمىس تىلدەرىن مەڭگەرگەن.