بۇگىن ورال قالاسىنا جاڭا اكىم تاعايىندالدى. بۇرىنعى اكىم مۇرات مۇقاەۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى اكىمشىلىگى جانە ورال قالاسى ءماسليحاتىنىڭ كەلىسىمىمەن روتاتسيا بويىنشا ورال قالاسىنىڭ اكىمى بولىپ شىنىبەكوۆ ابات اباي ۇلى تاعايىندالدى.
شىنىبەكوۆ ابات اباي ۇلى 1973 جىلى دۇنيەگە كەلگەن. ءبىلىم جوعارى, باتىس قازاقستان اۋىل شارۋاشىلىق ينستيتۋتىن «اۋىل شارۋاشىلىعىن مەحانيكالاندىرۋ», «ەۋرازيا» باتىس قازاقستان مەنەدجمەنت جانە تىلدەر ينستيتۋتىن «ەكونوميكا جانە مەنەدجمەنت», باتىس قازاقستان ينجەنەرلىك-گۋمانيتارلىق ۋنيۆەرسيتەتىن «اقپاراتتىق جۇيەلەر» ماماندىقتارى بويىنشا بىتىرگەن. تەحنيكا عىلىمدارىنىڭ ماگيسترى.
ءار جىلدارى قاراتوبە اۋدانىنىڭ اكىمى اپپاراتىندا مامان, باس مامان, ءبولىم مەڭگەرۋشىسى, باتىس قازاقستان وبلىسى اكىمى اپپاراتىندا باس مامان, باس ينسپەكتور, قازتالوۆ اۋدانىنىڭ اكىمىنىڭ ورىنباسارى, ورال قالاسى اكىمدىگىندە ءبولىم باستىعى, اكىم كەڭەسشىسى, «نۇر وتان» پارتياسىنىڭ باتىس قازاقستان وبلىستىق فيليالى توراعاسىنىڭ ورىنباسارى, ورال قالاسىنىڭ ءماسليحات حاتشىسى, سىرىم اۋدانىنىڭ اكىمى بولىپ قىزمەتتەر اتقارعان. 2017 جىلدىڭ ماۋسىم ايىنان باستاپ قازتالوۆ اۋدانىنىڭ اكىمى بولدى.
ايتا كەتەيىك, وتكەن اپتادا باتىس قازاقستان وبلىسىنىڭ شىڭعىرلاۋ اۋدانىنا ەرجان تۇرماعامبەتوۆ, قازتالوۆ اۋدانىنا البەرت ەساليەۆ جاڭادان اكىم بولىپ تاعايىندالعان بولاتىن.
باتىس قازاقستان