ەلىمىزدىڭ ەكولوگيا, گەولوگيا جانە تابيعي رەسۋرستار مينيسترلىگى جايىق وزەنى جاعالاۋىنىڭ لاستانۋى فاكتiسi بويىنشا جۇرگىزىلگەن تەكسەرىس ناتيجەسى جونىندەگى اقپاراتتى جاريالادى. بۇل تۋرالى اتالعان مينيسترلىكتىڭ Facebook-تەگى پاراقشاسىندا جاريالاندى.
«اتىراۋ وبلىسى بويىنشا ەكولوگيا دەپارتامەنتى جايىق وزەنى جاعالاۋىنىڭ سۋ قورعاۋ ايماعىنىڭ قاۋىپتى حيميالىق زاتتارمەن لاستانۋ فاكتىسى بويىنشا «نەفتەگازوۆىي سەرۆيسنىي اليانس» جشس-نا قاتىستى جوسپاردان تىس تەكسەرۋ جۇرگىزدى. اتالعان وندىرىستىك بازانىڭ اۋماعىندا حيميالىق رەاگەنتتەردەن بوساتىلعان 220 ەكس-ەم ماركالى ەمۋلگاتورى بار تولىق بوشكەلەر جانە 75 بوشكە انىقتالدى. سونداي-اق از مولشەردە حيميالىق رەاگەنتتەرمەن جەردىڭ لاستانۋى بايقالدى. ورال وزەنى جاعالاۋىنىڭ لاستانۋ فاكتىلەرى انىقتالعان جوق», دەلىنگەن حابارلامادا.
تەكسەرۋ قورىتىندىسى بويىنشا, جەردى حيميالىق رەاگەنتتەرمەن لاستاۋ بولىگىندە زاڭبۇزۋشىلىقتار, ءوندىرىس جانە تۇتىنۋ قالدىقتارىمەن جۇمىس ىستەۋ ەرەجەلەرىن بۇزۋ, اتاپ ايتقاندا قاۋىپتى قالدىقتاردى ەسەپكە الۋ مەن پاسپورتتىڭ بولماۋى انىقتالدى.
«جول بەرىلگەن زاڭبۇزۋشىلىقتار ءۇشىن اكىمشىلىك قۇقىقبۇزۋشىلىق تۋرالى 4 حاتتاما شىعارىلىپ, قاۋىپتى قالدىقتاردى كادەگە جاراتۋ جانە حيميالىق رەاگەنتتەرمەن لاستانعان جەر ۋچاسكەسىن تازالاۋ قاجەتتىگى تۋرالى نۇسقاما بەرىلدى. سونداي-اق تەكسەرۋ بارىسىندا حيميالىق تالداۋ جۇرگىزۋ ءۇشىن جەراستى سۋلارىنىڭ سىنامالارى مەن توپىراق سىنامالارى ىرىكتەلىپ الىندى, ناتيجەلەرى بويىنشا لاستاۋشى زاتتاردىڭ شەكتى رۇقسات ەتىلگەن شوعىرلانۋىنىڭ ارتۋى انىقتالمادى», دەلىنگەن مينيسترلىك تاراتقان اقپاراتتا.
سونداي-اق جايىق وزەنىنەن جەر بەتىندەگى سۋدىڭ سىناماسى الىنعان. جۇرگىزىلگەن سىناقتاردىڭ ناتيجەلەرى بويىنشا لاستاۋشى زاتتاردىڭ شەكتى رۇقسات ەتىلگەن شوعىرلانۋىنان اسۋى انىقتالعان جوق. دەپارتامەنت تاراپىنان سوت ورگاندارىنا كاسىپورىننىڭ قىزمەتىن توقتاتۋ تۋرالى تالاپ-ارىز بەرىلەدى.