پرەمەر-مينيستر اسقار مامين الماتىعا جۇمىس ساپارى بارىسىندا ءىرى ينفراقۇرىلىم نىساندارىنىڭ قۇرىلىسىمەن تانىسىپ, الماتى قالاسى مەن الماتى اگلومەراتسياسىن دامىتۋ ماسەلەلەرى جونىندە كەڭەستەر وتكىزدى.
الماتى قالاسىن دامىتۋ ماسەلەلەرى جونىندەگى كەڭەس بارىسىندا قولجەتىمدى تۇرعىن ءۇي جانە الەۋمەتتىك نىساندار سالۋ, جۇمىسپەن قامتۋ, كولىك جانە جول ينفراقۇرىلىمىن, كاسىپكەرلىكتى دامىتۋ, تۋريستىك الەۋەتتى ىسكە اسىرۋ ماسەلەلەرى تالقىلاندى.
قر پرەمەر-ءمينيسترى قر تۇڭعىش پرەزيدەنتى – ەلباسى ن. ءا. نازارباەۆ الماتى قالاسىنىڭ دامۋىنا ۇلكەن كوڭىل بولەتىنىن اتاپ ءوتتى. قر مەملەكەت باسشىسى ق. ك. توقاەۆ قالالىق ينفراقۇرىلىمنىڭ ساپاسىن جاقسارتۋ, قوعامدىق قاۋىپسىزدىكتى نىعايتۋ, كولىك جۇيەسىن, مەديتسينا مەن ءبىلىم بەرۋدى دامىتۋ جونىندە ناقتى تاپسىرمالار بەردى.
الماتى قالاسىنىڭ اكىمى ب. ساعىنتاەۆ, الماتى قالاسى اكىمىنىڭ ورىنباسارى ءى. وسەروۆ قالانى دامىتۋ جوبالارى تۋرالى باياندادى.
قر پرەمەر-ءمينيسترى مەملەكەتتىك ورگاندارعا قالانىڭ قازاقستان ەكونوميكاسىنداعى ماڭىزدىلىعىن اتاپ ءوتىپ, الماتى قالاسىنىڭ دامۋىن باقىلاۋدا ۇستاۋدى تاپسىردى.
وسى كۇنى قر ۇكىمەتىنىڭ باسشىسى الماتى قالاسىنىڭ شەتكەرى اۋداندارى مەن الماتى وبلىسىنىڭ ىرگەلەس اۋماعىن دامىتۋ جونىندە كەڭەس وتكىزدى.
2019 جىلى قر تۇڭعىش پرەزيدەنتى – ەلباسى ن. ءا. نازارباەۆتىڭ تاپسىرماسىمەن ءىرى قالالاردىڭ شەتكەرى ايماقتارىنىڭ ماسەلەلەرىن جىل سايىن شەشۋگە 30 ملرد تەڭگە, ونىڭ ىشىندە الماتى قالاسىنىڭ شەتكەرى ايماقتارىنا 10 ملرد تەڭگە ءبولىندى.
«اگلومەراتسيا تۇرعىندارىنىڭ تۇرمىس ساپاسىن جاقسارتۋ جونىندەگى شارالاردى جۇزەگە اسىرۋ قالا مەن وبلىستىڭ 730 مىڭنان استام تۇرعىنىن ءتيىستى ينفراقۇرىلىممەن قامتاماسىز ەتۋگە مۇمكىندىك بەرەدى», — دەدى ا. مامين.
قر پرەمەر-ءمينيسترى كەڭەس قورىتىندىسى بويىنشا قارجى جانە ۇلتتىق ەكونوميكا مينيسترلىكتەرىنە مۇددەلى مەملەكەتتىك ورگاندارمەن, الماتى ق. جانە الماتى وبلىسىنىڭ اكىمدىكتەرىمەن بىرلەسىپ, قالا ماڭىنداعى اۋدانداردى, ىرگەلەس اۋماقتاردى دامىتۋ بويىنشا ءىس-شارالاردى ۋاقىتىلى جۇزەگە اسىرۋدىڭ قاجەتتى شارالارىن قابىلداپ, قارجىلاندىرۋ ماسەلەلەرىن پىسىقتاۋدى تاپسىردى.
ء«بىز الماتى ق. مەن الماتى وبلىسىندا بىرلەسكەن جوبالاردى ىسكە اسىرۋدان سينەرگەتيكالىق ناتيجە الۋىمىز كەرەك. ول ءۇشىن الماتى اگلومەراتسياسىن دامىتۋ باعدارلاماسىن ازىرلەۋ كەرەك», — دەپ ا. مامين, ءتۇرلى باعىتتاردا – ەنەرگەتيكا, كولىك, تۇرعىن ءۇي, دەنساۋلىق ساقتاۋ سالالارىن دامىتۋدا بىرلەسكەن جوبالاردىڭ ءتىزىمى قۇرىلعانىن اتاپ ءوتتى.
قر ۇكىمەتىنىڭ باسشىسى قالا مەن وبلىستاعى حالىق سانىنىڭ ءوسۋىنىڭ جوعارى قارقىنىنا بايلانىستى دامۋدىڭ وزەكتى ماسەلەلەرىن شەشىپ, سول ارقىلى ءوڭىردىڭ ينۆەستيتسيالىق تارتىمدىلىعىن ارتتىرۋ قاجەت ەكەنىن اتاپ ءوتتى.
اسقار مامين بىرلەسكەن جوبالاردى ىسكە اسىرۋ جانە العا جىلجىتۋ ءۇشىن الماتى ق. مەن الماتى وبلىسىنىڭ جوبالىق ءوفيسىن قۇرۋدى تاپسىردى.
قر ۇكىمەتىنىڭ باسشىسى «ۋربانيستيكا ورتالىعى» مەن №405 اۆيا جوندەۋ زاۋىتىندا بولىپ, الماتى ق. قۇرىلىسىنىڭ جاڭا جوباسىمەن, قالانىڭ قۇرىلىس يندۋسترياسىن دامىتۋ جوسپارلارىمەن تانىستى, سونداي-اق, قۇرىلىسشىلار كۇنىنە ارنالعان سالتاناتتى جيىنعا قاتىستى.
الماتى قالاسىنا جۇمىس ساپارى بارىسىندا قر پرەمەر-ءمينيسترى ايۋساي شاتقالىن تازارتۋعا ارنالعان ەكولوگيالىق سەنبىلىككە قاتىستى.