بريتاندىق تاراپتىڭ باستاماسىمەن قازاقستان سىرتقى ىستەر ءمينيسترى بەيبىت اتامقۇلوۆ پەن ۇلىبريتانيا سىرتقى ىستەر مينيسترلىگىنىڭ ەۋروپا جانە امەريكا ىستەرى جونىندەگى مەملەكەتتىك ءمينيسترى كريستوفەر پينچەردىڭ تەلەفوندىق سۇحباتى ورىن الدى. بۇل تۋرالى مينيسترلىكتىڭ ءباسپاسوز قىزمەتى حابارلادى.
مينيستر بريتاندىق ساياساتكەردى ونىڭ جاقىنداعى تاعايىندالۋىمەن قۇتتىقتاپ, بريتاندىق ۇكىمەت پەن سىرتقى ىستەر مينيسترلىگىنىڭ جاڭا باسشىلىعىمەن كونسترۋكتيۆتى قارىم-قاتىناستاردىڭ ودان ءارى دامۋىنا قىزىعۋشىلىقتى اتاپ ءوتتى.
تاراپتار ەكى مەملەكەت اراسىنداعى ستراتەگيالىق ىنتىماقتاستىقتىڭ ودان ءارى نىعايتۋ مەن كەڭەيتۋىنە ءوزارا قىزىعۋشىلىعىن راستاپ, الداعى مەرزىمدە جوعارى دەڭگەيدەگى ءوزارا ساپارلار مەن ءىس-شارالاردى ۇيىمداستىرۋ بويىنشا جوسپارلاردى قاراستىردى. اتاپ ايتقاندا, كۇزدە سىرتقى ىستەر مينيسترلەرى دەڭگەيىندەگى ستراتەگيالىق ديالوگتىڭ جانە ساۋدا-ەكونوميكالىق, عىلىمي-تەحنيكالىق جانە مادەني ىنتىماقتاستىق جونىندەگى ۇكىمەتارالىق كوميسسيانىڭ وتىرىستارى, سونداي-اق ءۇ.ج. قازاندا لوندوندا «Kazakhstan Global Investment Forum - 2019» ينۆەستيتسيالىق فورۋمى جوسپارلانۋدا.
سۇحباتتاسۋشىلار ەكىجاقتى ىنتىماقتاستىقتىڭ ەكونوميكالىق جاعىن كۇشەيتۋ, قارجى جانە لوگيستيكا سالالارىنداعى سەرىكتەستىكتى كەڭەيتۋ ءۇشىن قازاقستاننىڭ ترانزيتتىك-كولىكتىك الەۋەتىن جانە «استانا» حالىقارالىق قارجى ورتالىعىنىڭ مۇمكىندىكتەرىن بارىنشا ءتيىمدى قولدانۋدىڭ قاجەتتىلىگىن اتاپ ءوتتى.
مادەني-گۋمانيتارلىق جانە ءبىلىم سالاسىنداعى ىنتىماقتاستىقتى نىعايتۋ, ونىڭ ىشىندە قازاقستاندىق جاستار ءۇشىن ۇلىبريتانيانىڭ جوعارى جانە ورتا وقۋ ورىندارىندا ءبىلىم الۋ, سونداي-اق ەكى ەلدىڭ جوعارى وقۋ ورىندارى اراسىنداعى ءوزارا ىقپالداستىقتى ارتتىرۋ ماڭىزدىلىعى اتاپ ءوتىلدى.
ۇلىبريتانيا تاۋار اينالىمى بويىنشا قازاقستاننىڭ ەڭ ءىرى ساۋدا سەرىكتەستەرىنىڭ وندىعىنا كىرەدى. 2018 جىلى ەكىجاقتى ساۋدا 1,2 ملرد. اقش دوللارىن قۇرادى. سونىمەن قاتار ۇلىبريتانيا قازاقستاننىڭ التى ەڭ ءىرى ينۆەستورلارى قاتارىنا كىرەدى. 2005-2018 جج. تىكەلەي شەتەل ينۆەستيتسيالارىنىڭ قۇيىلىمى 13 ملرد. اقش دوللار قۇرادى. قازاقستاندا بريتاندىق قاتىسۋمەن 800-دەن اسا كومپانيالار تىركەلگەن. الدىندا ۇستىمىزدەگى جىلى قازاقستانعا ۇلىبريتانيا سىرتقى ىستەر مينيسترلىگىنىڭ ەۋروپا جانە امەريكا ىستەرى جونىندەگى مەملەكەتتىك ءمينيسترى الان دانكان جانە ۇلىبريتانيا پرەمەر-ءمينيسترىنىڭ قازاقستان بويىنشا ساۋدا ۋاكىلى بارونەسسا ەمما نيكولسون ساپارمەن كەلىپ كەتتى.