2019 جىلعى 9 تامىزدا قازاقستان رەسپۋبليكاسىنىڭ پرەمەر-ءمينيسترى اسقار مامين شولپان-اتا قالاسىندا (قىرعىزستان) ەۋرازيالىق ۇكىمەتارالىق كەڭەس وتىرىسىنا قاتىسادى. بۇل تۋرالى primeminister.kz حابارلادى.
ەاۇك وتىرىسىنىڭ كۇن تارتىبىندە ىشكى نارىقتىڭ جۇمىس ىستەۋى, ونەركاسىپتىك كووپەراتسيا, تەحنولوگيالار ترانسفەرى, اۋىل شارۋاشىلىعى, كەدەندىك اكىمشىلەندىرۋ, كولىك جانە لوگيستيكا, ترانسشەكارالىق اقپاراتتىق ءوزارا ءىس-قيمىل سالالارىندا وداق اياسىنداعى ينتەگراتسيالىق پروتسەستەردى ودان ءارى دامىتۋ ماسەلەلەرى قارالادى.
ەۋرازيالىق ەكونوميكالىق وداققا مۇشە مەملەكەتتەردىڭ ۇكىمەتتەرىنىڭ باسشىلارىن قىرعىزستان رەسپۋبليكاسىنىڭ پرەزيدەنتى سوورونباي جەەنبەكوۆ قابىلدايدى دەپ كۇتىلۋدە.