پرەزيدەنت سارايىندا قازاقستان رەسپۋبليكاسىنىڭ ۆەتنام سوتسياليستىك رەسپۋبليكاسىنداعى ەلشىسى ەرلان بايجانوۆ ۆەتنام سوتسياليستىك رەسپۋبليكاسىنىڭ پرەزيدەنتى, كوممۋنيستىك پارتيا ورتالىق كوميتەتىنىڭ باس حاتشىسى نگۋەن فۋ چونگقا سەنىم گراموتالارىن تاپسىردى. بۇل تۋرالى ءسىم ءباسپاسوز قىزمەتى حابارلادى.
ۆەتنام باسشىسىنا قازاقستان پرەزيدەنتى قاسىم-جومارت توقاەۆتىڭ اتىنان قوشەمەت سالەمىن جەتكىزىپ, ەلىمىزدىڭ ديپلوماتى قازاقستاننىڭ ەكى ەل اراسىنداعى ءوزارا ءتيىمدى ىنتىماقتاستىقتى ودان ءارى كەڭەيتۋگە جانە نىعايتۋعا مۇددەلىلىگىن راستادى.
ەلشىمەن كەزدەسۋ بارىسىندا ۆەتنام پرەزيدەنتى نگۋەن فۋ چونگ قازاقستاندىق ديپلوماتقا شىن جۇرەكتەن قۇتتىقتاۋ ءبىلدىرىپ, ونىڭ ۆەتنامداعى جاڭا ميسسياسىنا تابىس تىلەدى. ۆەتنام پرەزيدەنتى سونداي-اق ەلدىڭ سىرتقى ساياسي باسىمدىقتارى تۋرالى قىسقاشا ايتىپ, ەلدىڭ سىرتقى الەممەن دوستىق قارىم-قاتىناستاردى دامىتۋعا بەرىك بەيىلدىلىگىن اتاپ ءوتتى.
«ۆەتنام مەن ءسىز ەلشىسى بولىپ تابىلاتىن مەملەكەت اراسىنداعى قارىم-قاتىناستار وتە جاقسى دامىپ كەلەدى. مەن بۇل ىنتىماقتاستىق ودان ءارى نىعايا بەرەتىنىنە سەنەمىن», – دەدى نگۋەن فۋ چونگ.