سىرتقى ىستەر ءمينيسترى بەيبىت اتامقۇلوۆ يزرايل مەملەكەتىنىڭ قازاقستان رەسپۋبليكاسىنداعى ەلشىسى ليات ۆەكسەلماندى قابىلدادى. بۇل تۋرالى مينيسترلىكتىڭ ءباسپاسوز قىزمەتى حابارلادى.
تاراپتار ەكىجاقتى ساياسي, ەكونوميكالىق جانە مادەني-گۋمانيتارلىق ىنتىماقتاستىقتىڭ جاي-كۇيى مەن پەرسپەكتيۆالارىن, وڭىرلىك جانە حالىقارالىق كۇن تارتىبىندەگى وزەكتى ماسەلەلەرگە قاتىستى كەڭ اۋقىمدى ماسەلەلەردى تالقىلادى.
«يزرايل قازاقستان ءۇشىن وزىق اگرو-تەحنولوگيالاردى, كيبەرقاۋىپسىزدىك پەن باسقا دا يننوۆاتسيالىق ازىرلەمەلەردى ەنگىزۋ سالاسىنداعى سەرىكتەس بولىپ تابىلادى. ءبىزدىڭ مەملەكەتتەر اراسىندا بەرىك جانە سەنىمدى قاتىناستار قالىپتاستى», دەدى ءسىم باسشىسى.
قازاقستاندىق كاسىپكەرلەر يزرايلدىك كومپانيالاردىڭ وزىق ازىرلەمەلەرىمەن تانىسا الاتىن يزرايلدىك تەحنولوگيالاردىڭ ارنايى ورتالىعىن قۇرۋ مۇمكىندىگىن قاراستىرۋ ۇسىنىلدى.
ىنتىماقتاستىقتىڭ پەرسپەكتيۆالىق باعىتتارىنىڭ ءبىرى اۋىل شارۋاشىلىعى بولىپ تابىلادى, وندا يزرايلدە فەرمەرلىك شارۋاشىلىقتاردى, تامشىلاتىپ سۋارۋدى قولدانۋ ارقىلى ەگىس القاپتارىن ءتيىمدى دامىتۋدا ۇلكەن تاجىريبەسى بار.
ل. ۆەكسەلمان يزرايل قازاقستاننىڭ حالىقارالىق ارەناداعى بەلسەندى ءرولىن جانە ونىڭ الەمدەگى قاۋىپسىزدىك پەن تۇراقتىلىقتى نىعايتۋعا قوسقان ۇلەسىن جوعارى باعالايتىنىن اتاپ ءوتتى.
يزرايل ەلشىسى ىسكەرلىك, تۋريستىك جانە مادەني بايلانىستاردى جانداندىرۋ ءۇشىن قازاقستان مەن يزرايل اراسىنداعى تىكەلەي اۋە قاتىناسىن قايتا قوسۋ ماسەلەسىن قاراستىرۋدى ۇسىندى.
كەزدەسۋ قورىتىندىسى بويىنشا ىنتىماقتاستىقتىڭ ورتا مەرزىمدى پەرسپەكتيۆاعا ارنالعان باسىم باعىتتارى بەلگىلەندى.