جاستارعا ارنالعان جوبالاردا باق سىناڭىز

العاشقىلاردىڭ ءبىرى بولىپ ءسوز العان اقپارات جانە قو­عام­دىق دامۋ مينيسترلىگى جاس­تار جانە وتباسى ىستەرى كو­مي­­تە­تىنىڭ توراعاسى ماديار قوجاح­مەت اتالعان ەكى جوبا دا ەل­با­سى­نىڭ باستاماسىمەن جا­ريا­لان­عان جاستار جىلى اياسىندا ۇيىم­داس­تىرىلىپ وتىرعانىن جەتكىزدى.

«وسى ءساتتى پايدالانىپ اتاۋ­لى جىلعا وراي قانداي ءىس-شارا­لار اتقارىلعانىن ايتا كەت­كىم كەلەدى. ءبارىڭىز بىلەتىندەي, جاس­تار جىلىنداعى اۋقىمدى جۇ­مىس­تاردى جۇرگىزۋگە باعىتتال­عان ارنايى جول كارتاسى ازىر­لەنىپ, بەكىتىلگەن بولاتىن. وندا جاستار ماسەلەسى 5 نەگىزگى باعىت­قا ءبولىنىپ, سونىڭ نەگىزىندە ءىس-شارالار جۇزەگە اسىرىلىپ جاتىر. ەڭ ماڭىزدىسى, تۇرعىن ءۇي. قازىرگى تاڭدا ەلىمىزدەگى ءۇش ءىرى قالادا 3 مىڭ جاسقا جىل سايىن 3 مىڭ پاتەر بەرۋ ما­سە­لەسى قاراستىرىلۋدا. بۇدان بولەك جۇمىسشى جاستاردى دايىندىق كۋرستارىنان وتكىزگەن سوڭ, ولارعا ءوزىنىڭ شاعىن كاسىبىن دوڭگە­لەتىپ اكەتۋى ءۇشىن 500 مىڭ تەڭگە­لىك گرانت نەمەسە 3 ملن تەڭگە نەسيە بەرىلەدى», دەدى ول. ونىڭ ايتۋىنشا, جاستاردىڭ ازامات­تىق بەلسەندىلىگىن ارتتىرۋ ماق­ساتىندا ازاماتتىق باستامالار­دى قولداۋ ورتا­لى­عىمەن بىرگە 50-دەن اسا ۇكىمەتتىك ەمەس ۇيىمدارعا ارنالعان گرانت­تار جاريالانعان. «سول بولىن­گەن گرانتتار نەگىزىندە بىر­قاتار باس­تاما قولعا الىن­دى. سولاردىڭ ءبىر پاراسى – نەت­ۆور­كينگ جانە جاستار ۇيىم­دارىنىڭ تاجىريبە الماسۋى جوباسى مەن «Jastar Otanga» ين­نو­ۆاتسيالىق يدەيا­لار بايقاۋى», دەدى كوميتەت باسشىسى.

«Bolashaq» قاۋىمداس­تىعى­نىڭ اتقارۋشى ديرەكتورى لاۋرا دەمەسىن ءوز كەزەگىندە اتالعان جوبالار تىكەلەي اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلىپ جاتقانىن تىلگە تيەك ەتتى. ونىڭ مالىمدەۋىنشە, نەتۆوركينگ جانە جاستار ۇيىمدارىنىڭ تاجىريبە الماسۋ جوباسى قازاقستاندا العاش رەت ورىندالماق.

«بۇل جوبا جاستارمەن جۇ­مىس ىستەيتىن ۇكىمەتتىك ەمەس ۇيىم­­داردىڭ جاستار رەسۋرستىق ور­تالىق­تارىمەن (جرو), مۇددەلى مەم­لەكەتتىك ورگاندارمەن جۇ­مىستى جاقسارتۋى ماقساتىن­دا ءىس-شارالاردى ۇيىمداس­تىرۋ, مەملەكەتتىك ورگاندار­مەن جانە الەۋمەتتىك تاپسىرىس­تار­مەن جۇمىس تۋرالى ءتيىمدى اقپارات پەن تاجىريبە الماسۋ ءۇشىن ايماقتارداعى جاستار­دىڭ ۇەۇ-لارىن قولداۋ مەن دا­مىتۋدى كوزدەيدى. سونداي-اق تاجىريبە الماسۋ جانە جاس­تار ۇيىمدارىنىڭ وزىق تاجىري­بەلەرىن زەردەلەۋ, جاستار ۇيىم­دارىنىڭ وكىلدەرى ءۇشىن ترەنينگتەر, شەبەرلىك شىڭداۋ, سەمينارلار, ديالوگ الاڭدارى, قا­زاقستان مەن اقش جاستارى اراسىندا قارىم-قاتىناس ور­ناتۋ بويىنشا ءىس-شارالار وتكى­زۋگە باعىتتالعان», دەدى ل.دە­مەسىن.

ونىڭ ايتۋىنشا, جوباعا بارلىق وڭىردەن مىڭنان اسا ادام قاتىسادى. ۇيىمداستىرۋشىلار جاستاردىڭ ءبىر-بىرىمەن بايلا­نىس ورناتۋى وڭاي بولۋى ءۇشىن اي­ماقتارداعى وتكىزۋ الاڭدارىن 5 قالاعا بەلگىلەگەن. ولاردىڭ ىشىن­دە وڭتۇستىك جاستارى شىمكەنتتە, باتىستاعىلار ورالدا, شى­عىس­تىقتار الما­تىدا, سول­تۇس­تىكتەگىلەر پاۆ­لوداردا, ال ورتالىقتان قاتىسۋ­شىلار ەلوردادا باس قوسپاق.

«جوباعا قاتىسۋ ءۇشىن bolashak.kz سايتىنا كىرىپ, ءوتى­نىم­دى تولتىرۋ كەرەك. شارا 19-21 تامىز ارالىعىندا وتەدى. ال جو­بانىڭ ناتيجەسىندە ۇەۇ مەن جرو-­نىڭ قازاقستاندىق تاجى­ري­بەسى رەتىندە ارنايى جيناق شىعادى», دەدى قاۋىمداستىقتىڭ اتقارۋشى ديرەكتورى.

ەكىنشى باستاما – «Jastar Otanga» يننوۆاتسيالىق يدەيالار بايقاۋى 2017 جىلدان بەرى ۇيىمداستىرىلىپ كەلەدى.

«بايقاۋ حالىقتىڭ ىسكەرلىك بەلسەندىلىگىن دامىتۋعا جانە جۇمىسقا ورنالاسۋعا, جاس­تاردىڭ ىسكەرلىك ويلاۋىنا, سونداي-اق ءوزىن ءوزى جۇزەگە اسى­رۋىنا جاع­داي جاساۋدى ماقسات ەتەدى. بىزدە جاس­تاردىڭ كاسىپ يگەرۋىنە, بيز­نەس باستاۋى­نا كوپ كوڭىل بولى­نەدى. وسى­عان وراي قولعا الىن­عان جوباعا  قازاقستاننىڭ بار­­لىق ايماعىنان 18-29 جاس ارا­لى­عىنداعى جاستار قاتىسا الادى. بايقاۋعا وتىنىمدەر 1 شىل­­دە مەن 20 قىركۇيەك ارالى­عىن­دا قابىلدانادى, سوڭعى سىنعا وت­كەن قاتىسۋشىلار ءتىزىمى bolashak.kz سايتىندا 27 قىر­كۇيەكتە جا­ريالانادى. بايقاۋ­دىڭ قورى­تىندى كەزەڭى 2019 جىل­دىڭ 23-24 قازانى كۇندەرى ال­ماتى قا­لاسىندا وتەدى», دەدى ل.دەمەسىن.

ايتا كەتەلىك, قاتىسۋشى ەڭ ءبىرىنشى سايتقا سالىنعان ەرەجەمەن تولىق تانىسىپ, ونلاين ءوتىنىمدى تولتىرۋى قاجەت.