رەسەيدىڭ پسكوۆ وبلىسىنداعى «زاۆەليچە» پوليگونىندا 5 حالىقارالىق ارميالىق ويىندارىنىڭ «دەسانتتىق ۆزۆود» سايىسىنىڭ سالتاناتتى اشىلۋ ءراسىمى ءوتتى. «باتىس» وڭىرلىك قولباسشىلىعىنىڭ ءباسپاسوز قىزمەتىنەن كاپيتان رۋستەم يگيسينوۆ حابارلادى.
قازاقستان رەسپۋبليكاسى قارۋلى كۇشتەرىنىڭ دەسانتشىلار كومانداسى 21 ەلدىڭ كوماندالارىمەن بىرگە سايىستىڭ اشىلۋ راسىمىنە قاتىستى. سالتاناتتى ءىس-شارا كوماندالاردىڭ ساپتىق ادىممەن ءوتىپ شىعۋىنان باستالدى. سايىس قاتىسۋشىلارى مەن قوناقتاردى رەسەي فەدەراتسياسى تاراپىنان اۋە-دەسانتتىق اسكەرلەرى قولباسشىسى مىندەتتەرىن ۋاقىتشا اتقارۋشى گەنەرال-لەيتەنانت ۆلاديمير كوچەتكوۆ قۇتتىقتاۋ سوزىمەن قارسى الدى. سايىس تۋىن كوتەرۋ قۇقىعى, رەسەيلىك جاۋىنگەر الەكساندر كاراۆايعا بۇيىردى.
-جىلدان-جىلعا دەسانتشىلار كونكۋرسىنا قاتىسۋشى مەملكەتتەردىڭ سانى ارتىپ, سايىستىڭ دەڭگەيى ءوسىپ جاتىر. بۇل جەردە ءوز ەلىنىڭ ۇزدىك جاۋىنگەرلەرى جينالعان جانە ولار ەل نامىسىن ابىرويمەن قورعاپ, وسى سايىستا بار كۇشتەرىن سالادى دەپ ويلايمىن. سونىمەن قوسا, وسى سايىستى ءبىزدىڭ مەملەكەتتەرىمىزدىڭ اراسىنداعى دوستاستىق پەن الەمدىك تەرروريزمگە قارسى باعىتتالعان ورتاق بەلگى دەپ سانايمىن, دەدى گەنەرال-لەيتەنانت ۆلاديمير كوچەتكوۆ.
ءىس-شارا وركەستر مەن ءان جانە بي انسامبل قاتىسۋشىلارى ۇسىنعان كونتسەرتىمەن باستالىپ, دەسانتشىلاردىڭ تاكتيكالىق جانە جەكە شەبەرلىگىنىڭ دەمونستراتسياسىمەن اياقتالدى. قويىلىم سونىندا بمد-4 ماشينالىرى اسكەري تەحنيكاداعى «دەسانتشىلار ءۆالسىن» ۇسىندى.
دالالىق ماشىلىقتىلىقتىڭ «دەسانتتىق ۆزۆود» حالىقارالىق كونكۋرسى پسكوۆ وبلىسىندا 13 تامىزعا دەيىن سوزىلادى. جارىسقا 21 ەلدىڭ وكىلدەرى قاتىسادى. ولار رەسەي, قىتاي, وڭتۇستىك-افريكا رەسپۋبليكاسى, الجير, ماروككو, ابحازيا رەسپۋبليكاسى, انگولا, ارمەنيا, بەلارۋس, ۆەنەسۋەلا, يران, كامبودجا, قىرعىزستان, كۋبا, مالي, سيريا, سۋدان, تاجىكستان, شري-لانكا, وڭتۇستىك وسەتيا جانە قازاقستان. دەسانتشىلاردى الداعى ۋاقىتتا پسكوۆ پوليگوندارىندا وتەتىن 4 ەتاپ كۇتىپ تۇر. جەرەبە ناتيجەسى بويىنشا قازاقستان دەسانتشىلارى سايىستى 3 بولىپ باستايدى.
ماڭعىستاۋ وبلىسى