ماڭعىستاۋ وبلىستىق «دوستىق» ۇيىندە وتكەن «اشىق ەسىك» كۇنى اياسىندا تۇرعىندارعا كاسىبي مەدياتورلاردان تەگىن كەڭەس الۋعا مۇمكىندىك تۋدى. اتالمىش ءىس-شاراعا وبلىستىق سوت, مەدياتسيا ورتالىقتارى جانە وبلىستىق اسسامبلەيا قۇرىلىمدارىنىڭ وكىلدەرى قاتىستى.
وسى مۇمكىندىكتى پايدالانۋ باعىتىنداعى شاراعا ايماق بويىنشا ەلۋدەن اسا ازامات قاتىسىپ, تەگىن كەڭەس الدى. سونىڭ ءبىرى شارا اپاي پاتەر الامىن دەپ الاياققا الدانىپ قالعان. كاسىبي مەدياتورلار تۇرعىنعا قانداي قادام جاساۋ قاجەت ەكەنىن, قانداي جاعدايدا بىتىمگەرشىلىككە كەلۋگە بولاتىنىن ءتۇسىندىردى. وسىلايشا كوكەيتەستى سۇراقتارىنا تۇشىمدى جاۋاپ الا العان حالىق ريزا بولىپ تاراستى. ويتكەنى بارلىعىنىڭ بىردەي زاڭگەر مەن ادۆوكاتقا جۇگىنۋگە جاعدايى جەتپەيدى. مۇنداي شارالار جاناوزەن قالاسى, مۇنايلى جانە بەينەۋ اۋداندارىندا جالعاسىن تاپتى.
ەسكە سالا كەتەيىك, اعىمداعى جىلدىڭ 31-شىلدەسى كۇنى مەدياتسيانى دامىتۋعا قولداۋ كورسەتۋ ماقساتىندا «نۇر وتان» حدپ مف عيماراتىندا «اشىق ەسىك» كۇنى وتكىزىلگەن بولاتىن. اكتسيا اياسىندا اسسامبلەيا مەدياتورلارى نيەت ءبىلدىرۋشى بارلىق ازاماتتارعا مەدياتسيا جونىندە كەڭەستەر بەرىپ, تەگىن نەگىزدە مەدياتيۆتىك كەلىسىمدەرگە قول قويدى.
سونداي-اق, جيىن بارىسىندا ماڭعىستاۋ وبلىستىق سوتى توراعاسىنىڭ م.ا. ەرجان قاراباەۆ قحا مەدياتسيا كابينەتى مەڭگەرۋشىسى, كاسىبي مەدياتور سانيا ساتاليەۆانى كاسىبي مەرەكەسىمەن قۇتتىقتاپ, العىس حات تابىستادى.
ماڭعىستاۋ وبلىسى