قۇرىلىسشىلاردىڭ كاسىبي مەرەكەسى قارساڭىندا تامىزدىڭ 5-8 ارالىعىندا وبلىستىق قۇرىلىس باسقارماسىنىڭ باستاماسىمەن مەردىگەر قۇرىلىسشىلار اراسىندا شاعىن فۋتبولدان تۋرنير ۇيىمداستىرىلۋدا. اتالمىش سايىسقا 8 تەڭبىل دوپ كومانداسى قاتىسۋعا نيەت ءبىلدىرىپتى.
«تۇڭعىش پرەزيدەنت – ەلباسىنىڭ قازاقستان ازاماتتارى سالاۋاتتى ءومىر سالتىن قالىپتى تۇردە ساقتاۋى كەرەك», دەگەن تاپسىرماسىن نەگىزگە الا وتىرىپ, وڭىردە وسىمەن ەكىنشى رەت مەردىگەرلىك قۇرىلىس ۇيىمدارىنىڭ اراسىندا شاعىن فۋتبولدان تۋرنير جالاۋىن جەلبىرەتتى. سپورتتىق شارا بىلتىردان باستاپ ۇيىمداستىرىلۋدا.
«قۇرىلىسشىلار كۇنىنە وراي بيىل دا ميني فۋتبولدان تۋرنير وتكىزىپ جاتىرمىز. جارىسقا قاتىسۋشىلاردىڭ بارلىعى قۇرىلىسشىلار. جارىستىڭ باستى ماقساتى جاس قۇرىلىسشىلار اراسىندا سالاۋاتتى ءومىر سالتىن ناسيحاتتاۋ», دەيدى وبلىستىق قۇرىلىس باسقارماسى جەتەكشىسىنىڭ ورىنباسارى ەرمەك قاراعاەۆ.
اياق دوپ جارىسىنا وڭىرلىك مەردىگەرلىك ۇيىم مۇشەلەرىنەن قۇرالعان 8 كوماندا قاتىسۋدا. ءۇش كۇنگە سوزىلاتىن بۇل دودا, كۇن سايىن ەكى فۋتبول الاڭىندا ءۇش ويىننان جۇرگىزىلەتىن بولادى. جارىس جەڭىمپازدارىنا اۋىسپالى كۋبوك جانە 200 مىڭ تەڭگە كولەمىندە قارجىلاي سىيلىق تاعايىندالعان.
ء«بىز وسى جارىسقا اقمولا وبلىسىنىڭ مەملەكەتتىك ساۋلەت باسقارماسىنىڭ اتىنان قاتىسۋدامىز. دايىندىعىمىز وتە زور. بۇگىنگى ويىندا جەڭىسكە جەتەمىز دەگەن ءۇمىتتىمىز», دەيدى سايىسقا قاتىسۋشى سۇڭعات ەسبولاتوۆ.
سپورت – دەڭساۋلىق كەپىلى. وسى ءسوزدى ۇران ەتكەن قۇرلىسشىلار تارتىستى ويىن ورنەگىن كورسەتۋدە. جارىس قورتىندىسى 8 تامىز كۇنى بەلگىلى بولادى.
اقمولا وبلىسى