2019 جىلى 1 تامىزدا الاكول كولىنە «كوكتەم گراند» قوناق ءۇيى باسسەينىنىڭ قۇبىرىنان لايلى سۋدى اعىزۋ فاكتىسى بويىنشا, «كازگيدرومەت»-ءتىڭ الماتى وبلىسى بويىنشا فيليالىنىڭ قىزمەتكەرلەرى سول كۇنى الاكولگە جەدەل تۇردە شىققان ەدى. بۇل تۋرالى ۇيىمنىڭ ءباسپاسوز قىزمەتى حابارلادى.
ماماندار جوسپاردان تىس كولدىڭ 5 نۇكتەسىندە سۋ سىناماسىن تەكسەردى.
زەرتحانالىق تالداۋ سۋ ساپاسىنىڭ 45 فيزيكالىق-حيميالىق كورسەتكىشتەرى بويىنشا جۇرگىزىلگەن, سونىڭ ىشىندە باستى يوندار, بيوگەندى, ورگانيكالىق زاتتار جانە اۋىر مەتالدار بار.
3-4 تامىزدا الىنعان ناتيجەلەر بويىنشا سۋ سىنامالارىندا حلوريدتەر (3,8 ەسە), ماگني (3,3 ەسە), مينەراليزاتسيا (3,2 ەسە) جانە فتوريدتەر (3,6 ەسە) جوعارى كورسەتكىشتە بولعان.
ەستەرىڭىزگە سالا كەتسەك, الەۋمەتتىك جەلىلەردە الاكولگە قۇبىر ارقىلى لاس سۋدىڭ قوسىلىپ جاتقانى تۋرالى بەينەجازبا تارالىپ ەدى.ء مالىم بولعانداي, كول ارناسىنا قۇيىلعان سۋ جاعاجايداعى «كوكتەم گراند» دەمالىس ورىنىنىڭ باسسەينىنەن اققاندىعى انىقتالدى.