ارىس قالاسىندا جالپى ۇزىندىعى 272,3 شاقىرىمدى قۇرايتىن كوشەگە زەردەلەۋ جۇمىستارى جۇرگىزىلدى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.
ناتيجەسىندە 17 سەكتوردىڭ 13-دە توتەنشە جاعدايلار سالدارىنان قالا ىشىندەگى 67 كوشەنىڭ جامىلعىسىندا اقاۋلار ورىن العاندىعى انىقتالعان. قالا كوشەلەرىندەگى اقاۋلاردى جويۋ بويىنشا اتقارىلاتىن ءىس-شارالار اياسىندا جالپى ۇزىندىعى 60 شاقىرىمعا جۋىق 67 كوشەنى زاماناۋي تالاپتارعا سايكەس جوندەۋدەن وتكىزەدى. 46,7 شاقىرىم اياق جول, 7 شاقىرىم ۆەلوسيپەد جولى سالىنادى, 68,6 شاقىرىم جولعا 2 234 دانا جارىق شامدارى, 41 م3 سۋاعار ورناتىلادى, جالپى اۋماعى 9 522 م2 كوشەنىڭ جيەكتەرى جوندەلەدى.
جوندەۋ جۇمىستارىن جۇرگىزۋ جوسپارلانعان 13 ايماق بويىنشا 67 كوشەنىڭ بۇگىنگى تاڭدا 40 كوشەسىندە جۇمىستار جۇرگىزىلۋدە. قالپىنا كەلتىرۋ جۇمىستارىنا 60-قا جۋىق ارنايى تەحنيكالار مەن 110-نان اسا جۇمىسشى تارتىلعان.