ولاردىڭ باسىم بولىگى اسكەري پوليگونداعى جارىلىسقا بايلانىستى بۇزىلۋعا جاتاتىن 413 ءۇيدى باسىنان باستاپ تۇرعىزادى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلايدى.
سونداي-اق, 17 سەكتوردا بريگادالار 2 مىڭ جتق جانە كپتۇ وبەكتىلەرىندە كوسمەتيكالىق جوندەۋ جۇمىستارىن اياقتايدى. وسىلايشا, نەگىزگى قالپىنا كەلتىرۋ جۇمىستارى 6,5 مىڭ ۇيدە اياقتالدى. بۇل بارلىق زارداپ شەككەن ارىستىڭ 90% بولىپ تابىلادى.
ەستەرىڭىزگە سالا كەتەيىك, كەشە قر پرەمەر-ءمينيسترى اسقار مامين تۇركىستان وبلىسىنا جۇمىس ساپارى بارىسىندا ارىس قالاسىنداعى بۇزىلعان ۇيلەردى, الەۋمەتتىك نىسانداردى, ينجەنەرلىك جەلىلەردى سالۋ جانە جوندەۋ جۇمىستارىنىڭ بارىسىن تەكسەردى, سونداي-اق قالانى قالپىنا كەلتىرۋ جونىندە كەڭەس وتكىزدى. قر ۇكىمەتى باسشىسى قالادا قىسقا مەرزىمدە اۋقىمدى جۇمىستار جۇرگىزىلگەنىن اتاپ ءوتتى.
اسقار ءماميننىڭ تاپسىرماسى بويىنشا قالعان جەكە ۇيلەردى جوندەۋ 10 تامىزعا دەيىن اياقتالۋى ءتيىس. كوپقاباتتى ۇيلەر بويىنشا قالپىنا كەلتىرۋ جۇمىستارى 20 تامىزعا دەيىن ءبىتۋى كەرەك. سونداي-اق, 20 تامىزعا دەيىن بارلىق الەۋمەتتىك نىسانداردى تاپسىرۋ قاجەت.