بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
التاي كولگىنوۆ قالانىڭ شەت اۋدارىنا بارىپ, جەرگىلىكتى تۇرعىندارمەن كەزدەستى. جالپى ەلوردادا 16 تۇرعىن ءۇي الابى بار.
«ەلباسى «Nur Otan» پارتياسىنىڭ XVIII سەزىندە ەلوردانىڭ شەت ايماقتارىن دامىتۋ بويىنشا تاپسىرما بەردى. ءبىزدىڭ قالادا 16 تۇرعىن ءۇي الابى بار. وندا 280 مىڭ ادام تۇرادى. بۇل قالا تۇرعىندارىنىڭ 25 % قۇرايدى. مەملەكەت باسشىسى قاسىم-جومارت توقاەۆ قالانىڭ شەت اۋداندارىن دامىتۋدى تاپسىردى. ءۇش جىلدىق كەزەڭگە نىسانداردىڭ ءتىزىمى ازىرلەندى. وسى بويىنشا جۇمىس جاسايمىز», - دەدى ا. كولگىنوۆ.
قالا اكىمى شەت اۋدانداردىڭ تۇيىتكىلدى ماسەلەلەرى 3 نەگىزگى بلوكقا بولىنگەنىن اتادى. بۇل جول جانە ينجەنەرلىك ينفراقۇرىلىم, الەۋمەتتىك نىسانداردىڭ ازدىعى, اباتتاندىرۋ ماسەلەلەرى. تۇرعىندار كوشەگە جارىق ورناتۋ, جول جانە جاياۋ جۇرگىنشىلەر ءۇشىن تروتۋارلار سالۋ, ورتالىق سۋ قۇبىرىن تارتۋ, جىلۋ بەرۋ ماسەلەسىن شەشۋ, كاناليزاتسيا جۇيەسىن قۇرۋ ماسەلەلەرىن كوتەردى. ەلوردا اكىمىمەن كەزدەسۋ بارىسىندا تۇرعىندار وسى اۋماقتا تۇراتىن ازاماتتاردىڭ ەش جۇمىستى جاتىرقاماي, ەڭبەككە جاقىن ەكەنىن ايتتى. ء«بىز وسى جەردە تۋىپ-وستىك, ءبىلىم الدىق. تۇرىپ جاتقان اۋدانىمىزدا ءومىر سۇرۋگە قولايلى جاعداي جاسالسا دەيمىز. بۇل جەردە ناعىز ەڭبەكسۇيگىش ازاماتتار تۇرىپ جاتىر», - دەدى تۇرعىندار.
قالانىڭ شەتكەرى ايماقتارىنىڭ باستى پروبلەمالارىنىڭ ءبىرى – تۇرعىنداردىڭ 30 % ورتالىق سۋ قۇبىرى جوق. ءوندىرىس, ميچۋرينو, ينتەرناتسيونالنىي, كوكتال, پريگورودنىي, جەلەزنودوروجنىي تۇرعىن ءۇي الاپتارىنىڭ تۇرعىندارى كولونكالاردان سۋ الادى. بۇعان قوسا, 698 كوشەنىڭ 245-ءى تاس توسەلمەگەن. اباتتاندىرۋ بويىنشا بيىلعى جىلى 6 بالالار الاڭىنىڭ قۇرىلىسى جۇرۋدە, اعاش وتىرعىزۋ, جىلى ايالدامالار سالۋ جانە گۇلزارلار سالۋ جۇمىستارى جۇرگىزىلۋدە. جىلدىڭ سوڭىنا دەيىن 42 كوشەنى جارىقتاندىرۋ, 5 اۋلانى اباتتاندىرۋ شارالارى اياقتالادى.
يلينكا جانە لەسوزاۆودتاعى ءۇش اۋىسىمدا وقيتىن ەكى مەكتەپتىڭ ماسەلەسىن شەشۋ ءۇشىن جوبالاۋ جۇمىستارى باستالدى. قالانىڭ شەت ايماقتارىن دامىتۋ باعىتى اعىمداعى جىلى شىلدە ايىنىڭ سوڭىندا پرەمەر-ءمينيستردىڭ توراعالىعىمەن وتكەن مەملەكەتتىك كوميسسيا وتىرىسىندا بەكىتىلدى. وسىلايشا, التاي كولگىنوۆ ءبىر اي ىشىندە 9 تۇرعىن ءۇي الابىن ارالادى.