قازاقستاننىڭ قۇراما كومانداسى قاباردا-بالقار رەسپۋبليكاسىنىڭ اۋماعىنداعى «ەلبرۋس ساقيناسى-2019» بايقاۋىنا دايىندىق كەزەڭدەرىنەن ءساتتى ءوتتى.
سايىس قاتىسۋشىلارىمەن اسكەري قىزمەتشىلەردىڭ جەكە دايىندىعىن جەتىلدىرۋ جانە بولىمشەلەردى ۇيلەستىرۋ, جەكە قۇرامدى جەرسىندىرۋ, قوزعالىس مارشرۋتىن زەردەلەۋ, تاۋلاردا قۇتقارۋدى ءۇيىمداستىرۋدى پىسىقتاۋ بويىنشا ساباقتار وتكىزىلدى. سايىس بارىسىندا توپتار بولىمشە قۇرامىندا ەلبرۋس تاۋىنىڭ شىڭىنا شىعا وتىرىپ, اۆتونومدى رەجيمدە ءارتۇرلى تاۋ بەدەرىن ەڭسەرە وتىرىپ, جوعارى تاۋلى جاعدايلاردا مارش جاسايدى. ويىن ءۇش كەزەڭدە وتەدى. وندا قاتىسۋشىلار 14 ارنايى تاپسىرمانى ورىندايدى. ءبىرىنشى كەزەڭ بارىسىندا قاتىسۋشىلار 5 ارنايى تاپسىرمانى ورىندايدى, ونىڭ ىشىندە, جەكە ورمەلەۋ بويىنشا سايىس, تاۋلى جەردە باعدارلاۋ, تىزبەكتە ورمەلەۋ بويىنشا سايىس, تاۋداعى كەدەرگىلەر جولاعى جانە توپ قۇرامىندا وق اتۋ. سايىسقا 5 ەلدىڭ, ياعني, ءۇندىستان رەسپۋبليكاسى, قازاقستان رەسپۋبليكاسى, ماروككو كورولدىگى, وزبەكستان رەسپۋبليكاسى جانە رەسەي فەدەراتسياسىنىڭ اسكەري قىزمەتشىلەرى قاتىسادى. سايىسقا بارلىعى جوعارى تاۋلى جەردە تاپسىرمالاردى ورىنداۋعا تارتىلاتىن بولىمشەلەر قۇرامىنان 70-تەن اسا ادام تارتىلادى. ۇزدىك جوعارى تاۋلى بولىمشە سايىسى تامىزدىڭ 3-ءى مەن 17-ءى ارالىعىندا وتەتىنىن ەستەرىڭىزگە سالا كەتەيىك.