قازاقستان اتك «ماڭعىستاۋ» زىمىران-ارتيللەريالىق كورابلىنىڭ ەكيپاجى «تەڭىز كۋبوگى-2019» حالىقارالىق بايقاۋى شەڭبەرىندە كاسپي تەڭىزىنىڭ سۋ ايدىنىندا ازەربايجان اتك جاۋىنگەرلىك دايارلىق پوليگوندارىنا شتۋرماندىق تانىستىرىلىم جورىعىنا شىقتى.
اسكەري تەڭىزشىلەر كورسەتىلگەن اۋداندا بايقاۋ ەپيزودتارىنىڭ ورىندالۋىن ەسەپتەپ, رەيدتىك جابدىقتىڭ ورناتىلۋىن, ناۆيگاتسيالىق قورشاۋلاردى تەكسەردى, وق اتۋعا ارنالعان نىسانالاردى قاراپ شىقتى. كورابل ەكيپاجى بايقاۋدىڭ نەگىزگى ەپيزودتارى بويىنشا تەڭىزدەگى العاشقى جاتتىعۋىن وتكىزدى. «تەڭىز كۋبوگى – 2019» - بۇل ارميالىق حالىقارالىق ويىندارى باعدارلاماسى بايقاۋلارىنىڭ ءبىرى بولىپ تابىلادى. سايىس ازەربايجان اتك «پۋتا» اسكەري-تەڭىز بازاسىندا تامىزدىڭ 5-ءى مەن 15-ءى ارالىعىندا وتەدى. اسكەري تەڭىزشىلەرگە تەڭىز جانە اۋە مەجەلەرىن جويا وتىرىپ, وق اتۋدا وزدەرىنىڭ شەبەرلىكتەرى مەن دالدىكتەرىن پاش ەتۋگە تۋرا كەلەدى. كورابلدى زاكىرگە جانە ارقانعا بايلاناتىن بوشكەگە قويۋ, تەڭىزشىلەردىڭ قۇتقارۋ دايىندىعى, سونداي-اق كورابلدىڭ جاندىلىعى ءۇشىن كۇرەسۋ جەكەلەگەن كەزەڭ بولماق. سايىسقا بارلىعى ءتورت ەلدىڭ, ياعني, ازەربايجان رەسپۋبليكاسى, يران يسلام رەسپۋبليكاسى, قازاقستان رەسپۋبليكاسى جانە رەسەي فەدەراتسياسىنىڭ كوماندالارى قاتىسادى.