قر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتى نۇر-سۇلتان قالاسى اكىمدىگىمەن بىرلەسە وتىرىپ,«كولىك قىزمەتكەرلەرىنىڭ كاسىبي مەرەكەسى» باس قالامىزدىڭ بوتانيكالىق باعىندا اتاپ ءوتتى. مەرەكەگە وراي كولىك كوميتەتى جاستاردىڭ سالاۋاتتى ءومىر سالتىن ۇستانۋ ماقساتىندا جاس قىزمەتكەرلەر اراسىندا جاپپاي جۇگىرۋدەن سپورتتىق ءىس-شارا جانە قالا تۇرعىندارى ءۇشىن كونتسەرتتىك باعدارلاما ۇيىمداستىردى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىنىڭ ءباسپاسوز قىزمەتى حابارلادى.
كاسىبي مەرەكەنىڭ سالتاناتتى تۇردە اشىلۋى بولىپ, وندا قر يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ توراعاسى سامات گيليموۆ مەرەكەگە وراي قىزمەتكەرلەرگە قۇتتىقتاۋ ءسوز سويلەپ, مەرەكەلىك ءىس-شاراعا قاتىسۋشى جاستارعا ساتتىلىك تىلەپ, مەرەكەنىڭ ماڭىزدىلىعىنا توقتالدى.
قالا تۇرعىندارى جۇرگەن جەرىندە تازالىق ساقتاپ, قالامىزدى كۇتىپ ۇستاۋ ءۇشىن تۇرعىندار دا ءوز ۇلەستەرىن قوسۋلارى ءتيىس. ءبىز قالا تۇرعىندارىمەن بىرگە «مەن قالام ءۇشىن نە جاساي الامىن؟» - اتتى اكتسياسىن ۇيىمداستىرىپ, بوتانيكالىق باقتىڭ ىشىنە تازالىق جۇمىستارىن جۇرگىزدىك. سونداي – اق, مەرەكە اياسىندا وزات قىزمەتكەرلەرگە كولىك سالاسىنىڭ دامۋىنا قوسقان ۇلەستەرى ۇشىن «قۇرمەتتى اۆتوكولىكشى» جانە «ۇزدىك اۆتوكولىكشى» توسبەلگىلەرىن تابىس ەتىپ, قۇرمەت گراموتاسى جانە العىس حاتتارمەن ماراپاتتادىق – دەدى كولىك كوميتەتىنىڭ توراعاسى سامات گيليموۆ.